اسلام آباد۔28مارچ (اے پی پی) وزیر مملکت برائے پیٹرولیم ڈاکٹر مصدق ملک آکھیا جو ریکو ڈک نہ صرف پاکستان دے کان کنی دے شعبے بلکہ بلوچستان دی ترقی کیتے ٻہوں اہمیت رکھیندے۔ اے ڳالھیں انہاں منگل کوں بیرک گولڈ کارپوریشن دے صدر اتے سی ای او مارک برسٹو دی قیادتا چ پاکستان اچ کینیڈین ہائی کمشنر لیسلی سکینلون سمیت ہک وفدنال تھیوݨ آلی ملاقات اچ آکھی۔ ڈاکٹر مصدق 70 فیصد مقامی ملازمت نال مقامی لوکاں اچ ہنردے ودھارے کیتے ڳے اقدامات دی تعریف کیتی۔ انہاں ماحولیاتی تحفظ اتے پائیدار ترقی دے اعلیٰ ترین معیارات کوں برقرار رکھݨ کیتے بیرک گولڈ دی قیادت تے اعتماد کیتا۔ مارک برسٹو خطے دی ترقی، ریلوے دی اپ گریڈیشن سمیت انفراسٹرکچر دی ترقی بارے ڳالھ مہاڑ جاری رکھݨ تے کارپوریشن دے عزم دا اعادہ کیتا۔ انہاں آکھیا جو ٻے ملکاں اچ وزیر اعظم شہباز شریف دا یتیماں اتے لاوارث ٻالاں دی تعلیم کیتے دانش سکول دا تصور اساݙے کم دا ہم حصہ اے اتے میں ایں کم کوں ودھاوݨ کیتے پرجوش ہم۔ بیرک گولڈ جیوتھرمل توانائی دی ڳول کیتے پہلے ای جی ایس پی دی ڈرل دا استعمال کریندا پے۔
