وفاقی کابینہ عدالتی اصلاحات دا بل منظور کرڳھدے، چیف جسٹس دا سوموٹو اختیار محدود، سوموٹو دا فیصلہ 3 سینئر جج کریسن

اسلام آباد۔28مارچ(اے پی پی)وفاقی کابینہ دا اجلاس وزیر اعظم شہبازشریف دی اڳواݨی اچ اسلام آباد اچ تھئے جیندے اچ عدالتی اصلاحات، ملکی سیاسی صورتحال، امن وامان اتے معاشی صورتحال دا جائزہ ڳھدا ڳیا۔ کابینہ عدالتی اصلاحات دے قانون سازی دے مسودہ دی منظوری ݙتی اے ڄیڑھا قومی اسمبلی اچ پیش کیتا ویسی۔ بل دے مطابق سپریم کورٹ دے 3 سینئر ترین جج از خود نوٹس دا فیصلہ کریسن، از خود نوٹس دے فیصلے تے 30 ݙینھ دے اندرو اپیل دائر کرݨ دا حق ݙیوݨ دی تجویز ݙتی گئی اے۔ اپیل دائر تھیوݨ دے 14 ݙینھ اچ سماعت کیتے مقرر کرݨی ہوسی۔ ایں توں پہلے وزیر قانون اعظم نذیر تارڑ اجلاس کوں عدالتی اصلاحات بارے مجوزہ قانون سازی تے بریفنگ ݙتی اتے اعلیٰ عدلیہ دے بے پناہ اختیارات محدود کرݨ دی تجویز ݙتی۔