اسلام آباد۔30مارچ (اے پی پی) وفاقی وزیر خزانہ تے محصولات سینیٹر محمد اسحاق ڈار ہک واری ولا میثاق معیشت دی دعوت ݙیندیں ہوئیں آکھیا جو معیشت تے سیاست نی تھیوݨی چاہیدی، میثاق معیشت کر سڳدوں۔ گزریل پنج سالیں اچ فراڈ پالیسیاں اتے نااہلی پاروں اے معاشی صورتحال اے۔ خمیس کوں سینیٹ اجلاس اچ سینیٹر محسن عزیز اتے سینیٹر فیصل جاوید دے سوالد ے جواب اچ انہاں آکھیا جو 2017 دی مردم شماری تے وݙا خرچا تھیا، خرچے دے باووجد ایں تے سنجیدہ تحفظات ہن جئیں پاروں 2018 دے انتخابات اچ مسئلہ ہئی، 1973 دے آئین دے تحت اے مردم شماری اے۔ انہاں آکھیا جو نادرا دے تعاون نال جدید نظام دے تحت بچت کیتی ونڄ سڳدی اے۔ اگر ایں کیتے قانون اچ ترمیم دی لوڑھ اے تاں کیتی ونڄ سڳدی اے۔
