اسلام آباد۔31مارچ(اے پی پی) سپیکر قومی اسمبلی مختلف وزارتاں دے گریڈ20 دے افسران دے ایوان نہ آوݨ دا معاملہ استحقاق کمیٹی دے حوالے کرݙتے۔ جمعہ کوں قومی اسمبلی دے اجلاس اچ سپیکر وزیر پارلیمانی امور مرتضیٰ جاوید عباسی کوں ہدایت کیتی جو آفیسرز گیلری اچ سوالاں دے وقفے اچ کیڑھی وزارتاں دے گریڈ 20 یا اتے دے افسران موجود ہن۔ انہاں دی لسٹ ݙتی ونڄے ۔ جنہاں وزارتاں دے افسران نہ ہوئے انہاں دے خلاف کاروائی کیتی ویسی ۔ مولانا عبدالاکبر چترالی دے پچھݨ تے سپیکر آکھیے میݙی رولنگ تے ہر حال اچ عملدرآمد تھیوݨ لازمی ہوندے ۔ افسران دی موجودگی دے حوالے نال وزیراعظم دی موجودگی اچ ہدایت کیتی ڳئی ہئی وفاقی وزیر کڄھ دیر بعد ایوان کوں ݙسایا جو ایں ویلھے صرف صرف وزارت میری ٹائم افیئرز دا افسر موجود اے، باقی افسران موجود کائنی جئیں تے سپیکر 8 وزارتاں دے افسران دے خلاف کارروائی دا معاملہ استحقاق کمیٹی دے حوالے کرݙتا ۔ سپیکرآکھیے ایں حوالے نال وزیراعظم وی واضح ہدایات جاری کیتیاں ہن ۔
