اسلام آباد۔2اپریل (اے پی پی) وفاقی وزیر اطلاعات ونشریات مریم اورنگزیب آکھیا جو چار سال عوام دا اٹا، کھنڈ، روٹی لٹݨ آلے ہݨ وزیراعظم مفت اٹا سکیم کوں متنازعہ ٻݨیندے پن۔ اتنی غلیظ ذہنیت اے جو عوامی منصوبیاں کوں وی اپݨی گھٹیا سیاست دی ٻھینٹ چڑھا ݙیندن۔ سیاسی یتیم اپݨی سارے سازشاں ناکام تھیوݨ دے بعد عوام دے مفت اٹے دے پچھوں پے ڳن۔ آݙت وار کوں جاری بیان اچ انہاں آکھیا جو چار سال پہلے کیڑے آلی کنڑک عمران خان منگوائی ہوسی؟ اتنی غلیظ ذہنیت اے جو عوامی منصوبیاں کوں وی اپݨی گھٹیا سیاست دی ٻھینٹ چڑھا ݙیندن۔ پنجاب دی عوام کوں مفت اٹا ملے، مفت بجلی ملے، میٹرو اتے اورنج ٹرین ملے، انہاں کوں تکلیف تھیندی اے۔ عوام دا اٹا کھنڈ کھا ونجݨ آلے عمران خان کوں غم کھا ڳے جو وزیر اعظم شہباز شریف غریباں کوں مفت اٹا کیوں ݙتے؟ ہݨ وزیراعظم عمران خان نی جیڑھا عوام دا اٹا کھا ڳے۔ روٹی کھا ڳے، روزگار کھا ڳے۔ ہݨ وزیراعظم عمران خان نی جیڑھا عوام دے پیٹ تے ڈاکے پاوے، انہاں کوں کارخانیاں توں کݙھ تے لنگر خانے بلھا ݙیوے۔
