اسلام آباد۔3اپریل (اے پی پی) نیشنل ڈیزاسٹر مینجمنٹ اتھارٹی(ایم ڈی ایم اے) ملک دے اتلے علاقیاں اچ تکھی ہوائیں اتے ڳاڄ کھمݨ نال بارشاں پاروں محکمیاں یتے الرٹ جاری کر ݙتے۔ محکمہ موسمیات موجب مغربی ہوائیں دے ملک اچ آوݨ پاروں ملک دے اتلے علاقیاں اچ تکھی ہوائیں اتے اندھاری نال مینہ وسݨ دا امکان اے۔ ایں وچال جموں و کشمیر اچ وادی نیلم، مظفرآباد، پونچھ، ہٹیاں، باغ، حویلی، کوٹلی، بھمبر اتے میر پور جڈانجو گلگت بلتستان اچ دیامیر، استور، غذر، سکردو، ہنزہ، گلگت، گھانچے اتے شگر دے علاوہ خیبرپختونخوا دے اضلاع گلیات، پشاور، چارسدہ، نوشہرہ، صوابی، مردان، باجوڑ، کرم، وزیرستان، کوہاٹ، کرک، بنوں، ڈیرہ اسماعیل خان، چترال، دیر، سوات، مانسہرہ، بونیر، کوہستان، شانگلہ، ہری پور اتے ایبٹ آباد اچ مینہ وسݨ دا امکان اے۔ ایں وچال پنجاب اچ مری، راولپنڈی، اٹک، چکول، جہلم، خوشاب، میانوالی، سرگودھا، گوجرانوالا، گجرات، حافظ آباد، منڈی بہائو الدین، سیالکوٹ، نارووال، لاہور، فیصل آباد، ٹوبہ ٹیک سنگھ، جھنگ، قصور، شیخوپورہ، ننکانہ صاحب، ملتان، ڈی جی خان، بہاولپور اتے ساہیوال دے ضلعیاں دے علاوہ بلوچستان دے ضلعے کوئٹہ، ژوب، بارکھان، قلعہ سیف اللہ اتے قلعہ عبداللہ اتے وفاقی دارالحکومت اسلام آباد اچ وی مینہ وسݨ دا امکان اے۔این ڈی ایم اے خبردار کیتا جو اندھاری طوفان پاروں کمزور بنادی ڈھانچے، فصلاں دے نقصان دا ݙر اے۔ این ڈی ایم اے سارے صوبائی ڈیزاسٹر مینجمنٹ اتھاریٹیز، گلگت بلتستان، ایس ڈی ایم اے، اسلام آباد انتظامیہ، این ایچ اے، موٹر ویز پولیس، ایف ڈبلیو اتے، ریسکیو 1122 دے نال نال متعلقہ محکمے اتے اداریاں کوں احتیاطی تدابیر تے عملدرآمد کوں یقینی ٻݨاوݨ دی ہدایت کیتی اے۔
