اسلام آباد۔3اپریل(اے پی پی)وزیراعظم محمد شہباز شریف آکھیے جو اتحادی حکومت اڄوکے بنچ تے عدام اعتماد کیتے، عوام دی ترجمانی کرݨ کوئی جرم کائنی، فل کورٹ دا فیصلہ منݨ اچ پوری قوم کوں مسئلہ نا تھیسی۔ قومی اسمبلی اچ الیندے وزیراعظم آکھیے جیکر ہݨ وی چیف جسٹس فل کورٹ ٻلھا ݙیون تاں ہر کوئی ایکوں منیسی جو ایں بنچ توں کوئی وی فیصلہ انصاف دے منافی ہوسی۔ وزیراعظم آکھیے جو چیف جسٹس ریمارکس ݙتن جو اسمبلی اچ کئی لوگ جیلاں کٹ تے تقریراں کریندن، میں ݙساواں جو عمران نیازی دا ہکو کم مخالفین نال جیلاں ٻھرݨ ہا، میں وی ایں شوق دی ٻلی چڑھیاں، میݙا ہکو قصور ہا جو میں میں اپݨے پارٹی دے قائد نال مخلص ہم اتے اپوزیشن اچ ہوندے عمران حکومت دا ݙٹ تے مقابلہ کریندا ہم، اڄ میں ایوان اچ ہاں اتے عوام دی ترجمانی کریندا کھڑاں، اے کوئی جرم تاں نئیں، جیکر عمران خان دی زال پبلک آفس ہولڈر نئیں تاں ول نواز شریف دی دھی مریم نواز وی پبلک آفس ہولڈر کاعنا ہئی، اے دوہرا معیار ملک دیاں پڑاں پٹ ݙیسی، ہݨ وی ہوش نا ݙکھایا ڳیا تاں ٻہوں چرک تھی ویسی اتے تاریخ ساکوں معاف نا کریسی۔
