
اسلام آباد۔10اپریل(اے پی پی) وزیراعظم محمد شہباز شریف آکھیے پارلیمان کوں حقیقی معنی اچ قومی زندگی دا محور بݨاوݨ دا ویلھا آڳئے ، آئین دی روشنی اچ ترتیب ݙتے ڳئے رولز آف دی گیم ہی اڳوں ودھݨ دا رستہ اے ۔ سنوار کوں آئین پاکستان 1973دی50 ویں سالگرہ دے موقع تے آپݨے ٹویٹ اچ وزیراعظم محمد شہباز شریف آکھیے اڄ قوم 1973 دے آئین دی گولڈن جوبلی منیندی پئی اے ، اے ھک مقدس دستاویز اے جیں گزریل نصف صدی دے دوران ٻہوں سارے طوفاناں دا سامݨا کریندےہوئیں وفاق کوں متحد رکھیا۔ وزیراعظم آکھیے او ایں موقع تے آئین دے خالقاں کوں انہاں دی سیاسی دور اندیشی تے خراج عقیدت پیش کریندن ۔ وزیراعظم آکھیے 1973 دے آئین دا ساݙے قومی کردار، شناخت اتے مستقبل کیتے رستہ متعین کرݨ اچ مرکزی کردار اے۔ انہاں آکھیے ویلھا آڳئے جو پارلیمان کوں حقیقی معنی اچ آپݨی قومی زندگی دا محور بݨایا ونڄے تے آئین دی روشنی اچ بݨائے ڳئے رولز آف دی گیم ہی اڳوں ودھݨ دا رستہ اے ۔