ملک دی عوام کوں مسئلیاں توں نجات ݙواوݨ چاہندوں، وزیر خارجہ بلاول بھٹو زرداری دا قومی اسمبلی اچ آئین دی گولڈن جوبلی بارے تھیوݨ آلے کنونشن توں خطاب

اسلام آباد۔10اپریل (اے پی پی) وزیر خارجہ بلاول بھٹو زرداری آکھیا جو 10 اپریل 1973 کوں اساڈا آئین ٻݨیا، اے اساݙی پنڄاہ سالہ جدوجہد دا یوم تاسیس اے، اساں ملک دی عوام کوں مسئلیاں توں نجات ݙواوݨ چاہندوں۔ اساں ملکی ادارے اتے نظام دی بقا کیتے سازشاں برداشت کریندے رہیوں، ہݨ وی اداریاں اچ ویجھا طبقہ موجود اے جیڑھا نی چاہندا جو میثاق جمہوریت چلے اتے اساݙا اتحاد رہے۔ سنوار کوں قومی اسمبلی اچ آئین دی گولڈن جوبلی بارے تھیوݨ آلے کنونشن توں خطاب کریندیں ہوئیں انہاں آکھیا جو 1973 دا آئین اسلامی جمہوری اتے پارلیمانی اے پاکستان دا آئین او زنجیر اے جئیں سارے صوبیاں کوں جوڑ رکھیے۔ عمران خان جیڑھا معاشی حملہ کر تے ڳیا ہئی اساں ملک کوں اوں توں کݙھݨ کیتے کوشش کریندے پیوں۔