اسلام آباد۔4جولائی(اے پی پی)وزیرِ اعظم محمد شہباز شریف ترقیاتی منصوبیاں اچ معیار اتے شفافیت دی ہدایت کریندے آکھیے ملک اچ جاری عوامی سہولت دے میگا پراجیکٹس تے کم تیکھا کیتا ونڄے، نینگراں دی ترقی اتے خواتین کوں خودمختار ٻݨاوݨ آلے منصوبیاں کوں ترجیحی بنیاداں تے شروع کیتا ونڄے۔ وزیرِ اعظم محمد شہباز شریف دی زیرِ صدارت اڄوکے مالی سال اچ ترقیاتی منصوبیاں بارے اعلی سطح دا اجلاس تھئے جیندے اچ …
وزیرِ اعظم دی ملک اچ جاری عوامی سہولت دے میگا پراجیکٹس تے کم تیکھا کرݨ دی ہدایت
اسلام آباد۔4جولائی(اے پی پی)وزیرِ اعظم محمد شہباز شریف ترقیاتی منصوبیاں اچ معیار اتے شفافیت دی ہدایت کریندے آکھیے ملک اچ جاری عوامی سہولت دے میگا پراجیکٹس تے کم تیکھا کیتا ونڄے، نینگراں دی ترقی اتے خواتین کوں خودمختار ٻݨاوݨ آلے منصوبیاں کوں ترجیحی بنیاداں تے شروع کیتا ونڄے۔ وزیرِ اعظم محمد شہباز شریف دی زیرِ صدارت اڄوکے مالی سال اچ ترقیاتی منصوبیاں بارے اعلی سطح دا اجلاس تھئے جیندے اچ وفاقی وزراء اسحاق ڈار، خواجہ آصف، احسن اقبال، مشیر وزیرِ اعظم احد خان چیمہ، معاونینِ خصوصی ملک احمد خان، شزا فاطمہ خواجہ اتے متعلقہ اعلی حکام شرکت کیتی۔اجلاس کوں مالی سال 2023-24 اچ ترقیاتی کماں اتے انہاں دی پیش رفت ݙسائی گئی۔اجلاس کوں نوجواناں اتے خواتین دی ترقی، زراعت، صنعت، انفراسٹرکچر اتے ٻئے شعباں دے ترقیاتی منصوبیاں تے تفصیلی بریفنگ ݙتی گئی جو پورے ملک خاص کر گلگت بلتستان اتے آزاد کشمیر اچ وزیرِ اعظم میرٹ اسکالرشپ شروع کیتا ویندا پئے۔
