شہید ذوالفقار علی بھٹو دی قیادت اتے سماجی انصاف دی انتھک جستجو عوام اچ اڄ وی زندہ اے،سینیٹر شیری رحمان

اسلام آباد۔5جولائی(اے پی پی) وفاقی وزیر موسمیاتی تبدیلی و ماحولیاتی رابطہ سینیٹر شیری رحمان آکھیے شہید ذوالفقار علی بھٹو دی قیادت اتے سماجی انصاف دی انتھک جستجو عوام اچ وی زندہ اے، جمہوریت تے انہاں دا غیر متزلزل یقین تے عام آدمی کوں بااختیار بݨاوݨ دا عزم اساں ساریں کیتے رہنما اصول دا کم کریندا رہسی ۔ آپݨے ھک ٹویٹ اچ انہاں آکھیے ‏5 جولائی دا ݙینھ ساݙی تاریخ اچ یوم سیاہ دے طورتے نقش اے۔ 5 جولائی1977ء دے اندوہناک ݙینھ رونما تھیوݨ آلے واقعات ساݙی جمہوریت دی بنیاداں کوں ہلا تے رکھ ݙتا تے ساݙی قوم تے گہرا اثرپاتے ۔ انہاں آکھیے اے او افسوسناک ݙینھ ہئی جݙاں لوکاں دی جمہوری امنگاں دا ڳل گھٹ ݙتا ڳیا۔ شہید ذوالفقار علی بھٹو دی منتخب اتے آئینی حکومت مکاوݨ دے بعد پیدا تھیوݨ آلے اثرات توں ملک اڄ تئیں نکل نی سڳیا ۔ وفاقی وزیر آکھیے شہید ذوالفقار علی بھٹو دی قیادت اتے سماجی انصاف دی انتھک جستجو عوام اچ اڄ تئیں گونج رہی اے کیوں جو پاکستان دی ترقی اچ انہاں دا حصہ بے مثال اے۔ جمہوریت تے انہاں دا غیر متزلزل یقین اتے عام آدمی کوں بااختیار بݨاوݨ دا عزم اساں ساریں کیتے رہنما اصول دا کم کریندا رہسی۔