وزیراعظم شہباز شریف نال کاپ 28 دے صدر  ڈاکٹر سلطان  الجابر دی قیادت اچ وفد  دی ملاقات

اسلام آباد۔6جولائی  (اے پی پی):پاکستان اتے متحدہ عرب امارات قابل تجدید توانائی دے منصوبیں کیتے مفاہمت دی یادداست تے دستخط کیتن ۔ وزیراعظم آفس میڈیا ونگ توں جاری بیان موجب وزیراعظم محمد شہباز شریف نال کاپ 28دے صدر اتے موسمیاتی تبدیلی متعلق متحدہ عرب امارات دے خصوصی نمائندہ اتے سائنس و ٹیکنالوجی دے وزیر ڈاکٹر سلطان احمد الجابر دی قیادت اچ ھک اعلیٰ سطحی وفد ملاقات کیتی۔ ایں موقع تے  ݙوہیں ملکاں وچال پاکستان اچ قابل تجدید توانائی دے منصوبیں دی ترقی کیتے مفاہمت دی یادداشت تے وی دستخط کیتے ڳن۔  وزیراعظم محمد شہباز شریف اتے کاپ 28 دے صدر اتے موسمیاتی تبدیلی متعلق متحدہ عرب امارات دے خصوصی نمائندہ اتے سائنس و ٹیکنالوجی دے وزیر ڈاکٹر سلطان احمد الجابر دستخط دی تقریب اچ شرکت کیتی جݙاں جو سیکرٹری پاور ڈویژن راشد محمود لنگڑیال اتے یو اے ای دی وزارت توانائی اتے انفراسٹرکچر دے انڈر سیکرٹری شریف العلم اپݨے ملک دی طرفوں مفاہمت دی یادداشت تے دستخط کیتے ۔