پاکستان تے متحدہ عرب امارات وچال قابل تجدید توانائی دامعاہدہ خوش آئند ہے، معاہدے تے تکھے عملدرآمد یقینی بݨایا ویسی ، وزیراعظم محمد شہباز شریف دا پاک یو اے ای قابل تجدید توانائی دی مفاہمت دی یادداشت تے دستخط دی تقریب توں خطاب

اسلام آباد۔6جولائی  (اے پی پی):وزیراعظم محمد شہباز شریف پاکستان اتے متحدہ عرب امارات وچال قابل تجدید توانائی دے معاہدہ کوں خوش آئند قرار ݙیندے ہوئیں آکھیے جو ایں معاہدہ تے تکھے عملدرآمد یقینی بݨایا ویسی معاہدے دے تحت قابل تجدید توانائی دی صلاحیت 10 ہزار میگاواٹ اے، پاکستان دے آئی ایم ایف نال معاہدہ اچ متحدہ عرب امارات کلیدی کردار ادا کیتے، ہر اوکھے ویلھے متحدہ عرب امارات پاکستان دا ساتھ ݙتا۔ اے ڳاھل انہاں پاکستان تے متحدہ عرب امارات وچال قابل تجدید توانائی دی مفاہمت دی یادداشت تے دستخط دی تقریب توں خطاب کریندے ہوئیں آکھی اے ، ایں موقع تے کاپ 28 دے صدر اتے متحدہ عرب امارات دے موسمیاتی تبدیلی دے نمائندہ خصوصی، وزیر صنعت و ٹیکنالوجی ڈاکٹر سلطان احمد الجابر وی وفد دے رلے موجود ہن ۔ وزیراعظم محمد شہباز شریف آکھیے متحدہ عرب امارات دے وفد دا خیرمقدم کرینداں ، کاپ 28 کانفرنس اچ شرکت دی دعوت تے متحدہ عرب امارات دے صدر دا شکرگزار ہاں۔ انہاں آکھیے پاکستان اتے متحدہ عرب امارات وچال قابل تجدید توانائی دا معاہدہ خوش آئند اے، ݙوہیں ملکاں وچال شمسی توانائی اتے ونڈ پاور سودھے قابل تجدید توانائی اچ تعاون دا بہترین موقع اے، متحدہ عرب امارات دی کمپنیاں کوں ایں شعبہ اچ پاکستان اچ سرمایہ کاری کرݨی چاہیدی اے ۔