سویڈن اچ قرآن پاک دی بے حرمتی  دے دلخراش واقعہ تے اڄ بعد نماز جمعہ سارے پاکستانی  پر امن احتجاج ریکارڈ کرویسن ، وزیراعظم شہباز شریف

اسلام آباد۔7جولائی  (اے پی پی):وزیراعظم محمد شہباز شریف آکھیے سویڈن اچ ھک بد بخت دے ہتھوں قرآن پاک دی بے حرمتی  دے دلخراش واقعہ تے اڄ بعد نماز جمعہ سارے پاکستانی پر امن احتجاج ریکارڈ کرویسن ۔ جمعہ کوں آپݨے ٹویٹ اچ وزیراعظم آکھیے  قرآن  مجید دی حرمت دے معاملے تے پوری قوم ھک اے ۔ سانحہ سویڈن تے پوری امت  مسلمہ مضطرب اے۔ ھک بد بخت دے ہتھوں قرآن پاک دی بے حرمتی  دے دلخراش واقعے تے آپݨے جذبات اتے احساسات  دا اظہار کرݨ کیتے یوم تقدس قرآن دے عنوان توں اڄ اساں سارے ھک آواز تھی تے ملک گیر احتجاج کریسوں تے بعد از نماز جمعہ پاکستانی قوم مسلماناں دے سارے طبقات ناموس قرآن دا پرچم چاتے آپݨا پر امن احتجاج ریکارڈ کرویسن ۔ وزیراعظم  آکھیے قرآن ساݙے قلب  اچ اے ۔ قرآن ساݙے کیتے صرف قران نی بلکہ جیوݨ دا قرینہ اے۔