پوری قوم سویڈن اچ قرآن پاک دی بے حرمتی دے واقعہ تے سراپا احتجاج اے ، چیئرمین  سینیٹ محمد صادق سنجرانی

اسلام آباد۔7جولائی  (اے پی پی):چیئرمین سینیٹ محمد صادق سنجرانی آکھیے اڄ پوری قوم سویڈن اچ قرآن پاک دی بے حرمتی دے اڄوکے واقعے تے سراپا احتجاج اے ،ایں طرح دے واقعات دنیا دے مسلماناں کیتے ناقابل برداشت تکلیف دا باعث ہن تے ایندی جتنی مذمت کیتی ونڄے گھٹ اے ، جمعہ کوں یوم تقدیس قرآن دے موقع تے آپݨے پیغام اچ انہاں آکھیے اڄ پوری قوم سویڈن اچ قرآن پاک دی بے حرمتی دے اڄوکے واقعہ تے سراپا احتجاج اے ،ایہو جے واقعات دنیا بھر دے مسلماناں کیتے ناقابل برداشت تکلیف دا باعث ہن تے ایندی جتنی مذمت کیتی ونڄے گھٹ اے ، انہاں آکھیے ایں قسم دے واقعات روکݨ کیتے سارے دنیا دے پارلیماناں دے سربراہان اتے بین الپارلیمانی یونین دے صدر کوں خطوط ارسال کیتن ۔ انہاں آکھیے خطوط اچ بین المذاہب ہم آہنگی دے ودھارے تے مذہبی جذبات کوں مجروح تھیوݨ توں روکݨ کیتے اجتماعی کوششاں تے زور ݙتے ،ایں درلخراش واقعے دے بعد سویڈش پارلیمنٹ دے اسپیکر کوں وی خط ارسال کر تے بھرپور مذمت کیتی ڳئی اے تے ایں قسم دے واقعات دے تدارک تے زور ݙتا ڳئے ۔ انہاں آکھیے اسلام امن دا مذہب اے جیڑھا جو سارے مذاہب اتے مقدس شخصیات اتے مقدس کتاب دا احترام کرݨ سکھیندے ۔