پاکستان ریلویز دا کرائے 10 فیصد ودھاوݨ دا اعلان

کراچی۔16 اگست(اے پی پی)پٹرولیم مصنوعات دیاں قیمتان ودھݨ توں بعد پاکستان ریلویز وی اپݨے کرائے 10 فیصد ودھاوݨ دا اعلان کر ݙتے۔ پاکستان ریلویز کرایہ ودھاوݨ دا اعلامیہ جاری کریندے آکھیے جو کرائے ودھاوݨ دا اطلاق 17 اگست توں تھیسی اتے اے اودھارا ساریاں ایکسپریس، شٹل، پیسنجر، انٹر سٹی ٹریناں اتے ریلوے سیلون تے تھیسی۔ کراچی توں شکار پور دا کرایہ 200 روپے ودھ تے 1600 روپے ہوسی، کراچی توں میہڑ 100 روپے ودھارے نال 1400 روپے، کراچی توں لاڑکانہ 100 روپے ودھا تے 1500 روپے تھی ڳئے۔ سارے ڈویژنز دے ڈی ایس، ڈی سی اتے ریلوے دے وادھو کرائے تے عمل درآمد دے پابند ہوسن۔