خرم پرویز اتےعرفان معراج بارے اقوم متحدہ دے ایلچی دا مراسلہ بھارتی حکام تے فرد جرم اے،ترجمان دفترخارجہ

اسلام آباد۔17اگست  (اے پی پی) دفترخارجہ دی ترجمان ممتاز زہرہ بلو چ آکھیا جو اقوام متحدہ دے خصوصی ایلچی ولوں کشمیری انسانی حقوق دے سرگرم کارکناں خرم پرویز اتےعرفان معراج دی گرفتاری اتے انہاں تے لاتے ڳئے الزام تے تشویش تے مبنی مراسلہ بھارتی حکومت کوں ٻھیجیا ڳئے جیڑھا جو بھارت دے غیر قانونی قبضے اچ جموں تے کشمیر اچ بھارتی حکام تے ہک فرد جرم اے کیونجو او کشمیر اچ انسانی حقوق دے محافظاں کوں چپ اتے ہراساں کریندے پئن۔ بھارت خرم پرویز اتے عرفان معراج سودھے ٻئے کارکناں دی بلاجواز اتے غیرقانونی نظربندی ختم کرے۔ خمیس کوں ہفتہ وار پریس بریفنگ اچ انہاں ݙسیا جو محمد سائرس سجاد قاضی    اسد مجید خان دی ڄاہ تے سیکرٹری خارجہ دی ذمہ واریاں سنبھال ڳھدن۔ او پاکستان دے 32ویں سیکرٹری خارجہ  ہوسن۔ انہاں اقوام متحدہ اچ پاکستان دے مستقل مشن جنیوا اچ 1995 توں 1999 تئیں خدمات ݙتن۔ او 2005 توں 2006 تئیں نئی دہلی اچ پاکستان دے ہائی کمشنر ،واشنگٹن ڈی سی اچ 2006 توں 2013 تئیں جڈانجو 2015 توں 2017 تئیں ہنگری اتے2017 توں 2022 تئیں ترکیہ اچ پاکستان دے سفیر رہین۔