قانون تے آئین دا حامل ملک ہووݨ دے ناطے پاکستان عدم برداشت اتے پرتشدد کاروائیاں کوں قبول نی کر سڳدا، ترجمان دفتر خارجہ ممتاز زہرہ

اسلام آباد۔17اگست  (اے پی پی) دفتر خارجہ دی ترجمان ممتاز زہرہ بلوچ آکھیا جو قانون تے آئین دا حامل ملک ہووݨ دے ناطے پاکستان عدم برداشت اتے پرتشدد کاروائیاں کوں قبول نی کر سڳدا۔   وزیراعظم پاکستان گزریل ݙینھ فیصل آباد اچ تھیوݨ آلے واقعے دی شدید مذمت کیتی جئیں اچ گرجا گھراں کوں نشانہ ٻݨایا ڳیا اتے ایں پاروں ملک دی مسیحی برادری کوں ݙکھ تھیے۔ خمیس کوں ہفتہ وار بریفنگ اچ فیصل آباد اچ تھیوݨ آلے واقعے تے ترجمان دفتر خارجہ آکھیا جو اے کم غیر قانونی اتے غیر آئینی اے۔ انہاں آکھیا جو قانون نافذ کرݨ آلے حکام فوری کاروائی کیتی، انہاں کوں وزیراعظم ولوں ہدایت کیتی ڳئی جو او مجرماں کوں پکڑ تے انصاف دے کٹہرے اچ ڳھن آون۔