نگران وفاقی وزیر ڈاکٹر ندیم جان وزارت صحت دا قلمدان سنبھال ڳھدے

اسلام آباد۔18اگست  (اے پی پی) نگران وفاقی وزیر  ڈاکٹر ندیم جان  وزارت صحت دا قلمدان سنبھال ڳھدے۔ جمعے کوں وزارت صحت دے ترجمان توں جاری بیان موجب وفاقی سیکرٹری صحت افتخار علی شلوانی اتے سٹاف  وزیر صحت کوں خوش آمدید آکھیا۔ ڈاکٹر ندیم جان   صحت دے شعبہ اچ شاندار خدمات دے اعتراف اچ ستارہ امتیاز حاصل کیتا ہوئے۔ او پاکستان اچ پولیو دے خاتمے بارے آپݨی خدمات پاروں شہرت رکھیندن۔ انہاں چارج سنبھالݨ دے بعد وزارت دے افسراں اتے ہیڈ آف ڈیپارٹمنٹ نال تعارفی ملاقات وی کیتی۔ ایں موقع تے وفاقی سیکرٹری صحت افتخار شلوانی، ایڈیشنل سیکرٹری کامران رحمان خان ،   ڈی جی ہیلتھ،  جوائنٹ سیکرٹری اتے ٻئے افسر وی موجود ہن۔