کشمیریاں دی اخلاقی، سیاسی اتے سفارتی حمایت جاری رکھیسوں، سینیٹ دی متفقہ قرارداد دی منظوری

اسلام آباد۔27اکتوبر  (اے پی پی) سینیٹ ہک متفقہ قرارداد دی منظوری ݙتی اے جئیں اچ بھارت دے غیر قانونی قبضے اچ جموں تے کشمیر اچ بھارتی ظلم اتے انسانی حقوق دی خلاف ورزیاں دی مذمت کریندیں ہوئیں عزم کیتا ڳئیا جو کشمیریاں دی اخلاقی، سیاسی اتے سفارتی حمایت جاری رکھیسوں۔ جمعے کوں سینیٹ اجلاس اچ سینیٹر کامل علی آغا 27 اکتوبر 1947 کوں بھارت دے غیر قانونی قبضے اچ جموں و کشمیر اچ بھارتی غاصبانہ قبضہ دی مناسبت نال کالے ݙینھ دے موقع تے قرارداد پیش کیتی جئیں اچ آکھیا ڳئیا جو اے ایوان بھارت دے غیر قانونی قبضے اچ جموں تے کشمیر اچ بہیمانہ بھارتی ریاستی دہشت گردی، بھارتی فورسز دے ہتھوں بے گناہ کشمیریاں دے قتل عام اتے انسانی حقوق دی سنگین خلاف ورزیاں دی شدید مذمت کریندے اتے کشمیریاں دی اخلاقی، سیاسی اتے سفارتی حمایت جاری رکھیسوں۔