ستاوی اکتوبر1947  کوں ہندوستان مقبوضہ جموں تے کشمیراچ انسانی حقوق دی بد ترین پامالی دا ارتکاب کرتے غیر قانونی تے ناجائز تسلط قائم کیتا،بھارت کشمیریاں دے جذبہ حق خودارادیت کوں دٻا نی سڳدا ، چیئرمین سینیٹ محمد صادق سنجرانی دا یوم سیاہ تے سنھیا

اسلام آباد۔27اکتوبر(اے پی پی) چیئرمین سینیٹ محمد صادق سنجرانی آکھیے جو 76 سال پہلے 27 اکتوبر 1947  کوں ہندوستان مقبوضہ جموں تے کشمیراچ انسانی حقوق دی بد ترین پامالی دا ارتکاب کرتے غیر قانونی تے ناجائز تسلط قائم کیتا،بھارت کشمیریاں دے جذبہ حق خودارادیت کوں دٻا نی سڳدا ۔  یوم سیا ہ کشمیر دے موقع تے آپݨے پیغام اچ چیئرمین سینیٹ آکھیے بھارتی وزیراعظم 5 اگست2019 کوں مقبوضہ کشمیر دی خصوصی حیثیت اچ تبدیلی کرتے انسانی حقوق دی پامالیاں دی بدترین مثالاں بݨیندے ہوئیں لکھاں کشمیریاں کوں انہاں دے بنیادی حق توں محروم کرتے نظر بند کرݙتے ، بھارت مقبوضہ کشمیر اچ ہندوواں دی نوآبادکاری دی سازش کوں ودھارا ݙیندا پئے تاں جو مقبوضہ کشمیر اچ مسلم اکثریت کوں اقلیت اچ بدالیا ونڄ سڳدے ۔صادق سنجرانی آکھیے کشمیر اچ ودھدی بھارتی بربریت، ظلم وزیادتی اتے انسانی حقوق دی بدترین پامالیاں نال نہ صرف بھارت دا مکروہ چہرہ دنیا اچ سامݨے آئے بلکہ ایں غیر قانونی اقدام تے پوری دنیا اچ آواز چودی پئی اے ۔ پاکستان کشمیریاں دے حق خود ارادیت دے مؤقف دی بھرپور حمایت کریندے ۔پاکستان دی حکومت اتےپارلیمان ہر فورم تے کشمیری عوام دی حمایت جاری رکھیسن ۔ ڈپٹی چیئرمین سینیٹ مرزا محمد آفریدی یوم سیاہ کشمیر دے موقع تے آپݨے پیغام اچ آکھیے جموں تے کشمیر بین الاقوامی سطح تے منیا ڳیا جھیڑا اے جیڑھا جو اقوام متحدہ دی سلامتی کونسل دے ایجنڈے تے اے، پاکستان عالمی برادری توں مطالبہ کریندے جو جموں تے کشمیر اچ انسانی حقوق دی سنگین اتے منظم خلاف ورزیاں تے بھارت کوں جوابدہ ٹھہراوݨ سانڳے عملی اقدامات کرے۔