اسلام آباد۔27اکتوبر(اے پی پی):نگران وفاقی وزیر اطلاعات و نشریات مرتضیٰ سولنگی ملک اچ صاف، شفاف اتے آزادانہ انتخابات کراوݨ کوں یقینی بݨاوݨ سانڳے نگراں حکومت دے غیر متزلزل عزم دا اعادہ کریندے ہوئیں آکھیے جو نگران حکومت آئین دی پیداوار اے، اساں آئین تے قانون تے عمل درآمد دے پابند ہیسے، میڈیا دا بنیادی مقصد درست معلومات عوام تئیں پڄاوݨ اے ۔ اے ڳالھ انہاں پارلیمنٹ ہاؤس اچ چیئرمین …
نگران وفاقی وزیر اطلاعات دی چیئرمین سینیٹ نال ملاقات
مزید خبراں
اسلام آباد۔27اکتوبر(اے پی پی):نگران وفاقی وزیر اطلاعات و نشریات مرتضیٰ سولنگی ملک اچ صاف، شفاف اتے آزادانہ انتخابات کراوݨ کوں یقینی بݨاوݨ سانڳے نگراں حکومت دے غیر متزلزل عزم دا اعادہ کریندے ہوئیں آکھیے جو نگران حکومت آئین دی پیداوار اے، اساں آئین تے قانون تے عمل درآمد دے پابند ہیسے، میڈیا دا بنیادی مقصد درست معلومات عوام تئیں پڄاوݨ اے ۔ اے ڳالھ انہاں پارلیمنٹ ہاؤس اچ چیئرمین سینیٹ محمد صادق سنجرانی نال ملاقات اچ آکھی اے ۔ ملاقات اچ شفاف طرز حکمرانی اتے جمہوری عمل اچ اوپن ڈائیلاگ اتے معلومات تئیں رسائی کوں سوکھا بݨاوݨ دی اہمیت تے زور ݙتا ڳئے ۔ نگران وفاقی وزیر اطلاعات آکھیے ذمہ دارانہ صحافت ویلھے دی لوڑھ اے ، غیر جانبدارانہ تے ذمہ دارانہ صحافت توں ہی معاشرہ سدھا پاسہ گھن سڳدے ۔ چیئرمین سینیٹ جمہوریت دی بنیادی اقدار کوں برقرار رکھݨ سانڳے متحرک اتے غیر جانبدار میڈیا منظر نامے دی اہمیت کوں اجاگر کیتے۔
