کوئٹہ۔ 31 اکتوبر (اے پی پی) بلوچستان دے علاقے تربت اچ نامعلوم مسلح بندیاں پولیس اہلکار اتے چار مزدوراں کوں فائرنگ کر تے قتل کر ݙتے اتے ہک مزدور زخمی تھی ڳئے۔ ملزم موقع واردارت توں ٻھجݨ اچ کامیاب تھی ڳئن۔ پولیس موجب منگل دی سویل چار وڄے دے نیڑے مسلح بندے تربیت دے علاقے ناصر آباد اچ چار مزدوراں اتے ہک پولیس اہلکار کوں فائرنگ کر تے قتل کر …
تربت اچ نامعلوم مسلح بندیاں پولیس اہلکار اتے چار مزدوراں کوں فائرنگ کر تے قتل کر ݙتا
مزید خبراں
کوئٹہ۔ 31 اکتوبر (اے پی پی) بلوچستان دے علاقے تربت اچ نامعلوم مسلح بندیاں پولیس اہلکار اتے چار مزدوراں کوں فائرنگ کر تے قتل کر ݙتے اتے ہک مزدور زخمی تھی ڳئے۔ ملزم موقع واردارت توں ٻھجݨ اچ کامیاب تھی ڳئن۔ پولیس موجب منگل دی سویل چار وڄے دے نیڑے مسلح بندے تربیت دے علاقے ناصر آباد اچ چار مزدوراں اتے ہک پولیس اہلکار کوں فائرنگ کر تے قتل کر ݙتے اتے ہک مزدور زخمی تھی ڳئے۔ قتل تھیوݨ آلیاں اچ محمد عظیم، شہباز، باقر علی، شہزاد احمد شامل ہن جڈانجو پولیس اہلکار دی سنڄاݨ عطا جان ولد محمد اسلم سکنہ نودز تربت تھئی اے۔ زخمی مزدور دی سنڄاݨ مدثر دے ناں نال تھئی اے۔ واقعے دی اطلاع ملݨ دے بعد پولیس اتے سکیورٹی فورسز دی ٹیم واقعے دی ڄاہ تے پڄ تے لاشاں اتے زخمی کوں ٹیچنگ ہسپتال تربت پڄا ݙتے۔ پولیس علاقے دی ناکہ بندی کر تے ملزماں دی ڳول شروع کر ݙتی اے۔
