نینگر ملک دا اثاثہ ہن، نگران حکومت ملک دے معاشی استحکام، ترقی کیتے ہرممکن کوشش کریندی پئی اے، نگران وزیر اعظم انوارالحق دا انسٹی ٹیوٹ فار آرٹ اینڈ کلچر دے پہلے کانووکیشن دی تقریب توں خطاب

لاہور۔31اکتوبر  (اے پی پی) نگران وزیر اعظم انوارالحق کاکڑ آکھیا جو نینگر ملک دا اثاثہ ہن، نگران حکومت ملک دے معاشی استحکام، ترقی کیتے ہرممکن کوشش کریندی پئی اے۔  کوئی وی قوم تعلیم دے بغیر ترقی نی کر سڳدی۔ تعلیم دے ہر شعبے دی بہتری کیتے رَل تے کم کرݨا پوسی۔ نینگرملک دا اثاثہ ہن۔ آئی ٹی دے شعبے کوں فروغ ݙے تے وݙا زرمبادلہ کمایا ونڄ سڳدے۔ سی پیک منصوبے نال پاکستان ترقی دی منزل طے کیتی اے۔ زرعی شعبہ ملکی معیشت اچ ریڈھ دی ہڈی دی حیثیت رکھیندے۔ اے ڳالھیں انہاں منگل کوں انسٹی ٹیوٹ فار آرٹ اینڈ کلچر دے پہلے کانووکیشن  توں بطور مزمان خصوصی خطاب کریندیں ہوئیں آکھی۔ نگران وزیر اعظم آکھیا جو ایں تقریب اچ شرکت میݙے کیتے اعزاز اے۔ حکومت ہکو سویں تعلیم ݙیوݨ کیتے کم کریندی پئی اے۔ انہاں ڈگری ڳھنݨ آلے طلبہ کوں مبارخ ݙیندیں ہوئیں آکھیا جو نینگر پاکستان دا مستقبل ہن۔ آپݨے معاشرے دی بہتری بارے انہاں تے وݙی زمہ واری اے۔ ۔تعلیم یافتہ لوکاں دی ذمہ واری اے جو او معاشرے دی بہتری اچ آپݨا کردار ادا کرن۔ نگران وزیر اعظم انوارالحق مختلف شعبہ جات اچ کامیاب طلبہ تے طالبات اچ ڈگریاں اتے میڈل تقسیم کیتے۔