ڈیرہ اسماعیل خان اچ ٹانک اڈہ دے نیڑے دھماکہ، پنڄ بندے جاں بحق، 21 زخمی

ڈیرہ اسماعیل خان۔ 03 نومبر (اے پی پی) ڈیرہ اسماعیل خان اچ ٹانک اڈہ دے نیڑے دھماکہ جئیں اچ پنج بندے جاں بحق جڈانجو ہک ٹریفک پولیس اہلکار اتے تریمت سودھے 21 بندے زخمی تھی ڳئن۔  ریسکیو 1122 ڈیرہ اسماعیل دے ڈسٹرکٹ ایمرجنسی آفیسر اویس بابر موجب ٹانک اڈہ دے نیڑے تھیوݨ آلے دھماکے اچ ہݨ تئیں پنج بندے جاں بحق اتے ہک ٹریفک پولیس اہلکار اتے تریمت سودھے 21 بندے زخمی تھیوݨ دی تصدیق تھئی اے۔ ریسکیو ویلھے تے کاروائی کریندیں ہوئیں سارے زخمیاں کوں ایمرجنسی آفیسر نعمان اللہ مروت دی نگرانی اچ ہسپتال پڄا ݙتے۔ دھماکے دی نوعیت پتہ نی لڳ سڳی۔