اسلام آباد۔3نومبر (اے پی پی):نگراں وفاقی وزیر اطلاعات و نشریات مرتضیٰ سولنگی ماحولیاتی تبدیلیاں دے منفی اثرات بارے آگاہی ݙیوݨ دی لوڑھ تے زور ݙیندے ہوئیں آکھیے جو ماحولیاتی تبدیلیاں کرہ ارض کیتے وݙا خطرہ ہن ، اساکوں معاشرے دے سارے طبقیں کوں ماحولیاتی تبدیلیاں دے اثرات بارے آگاہی ݙیوݨی ہوسی ، پی ٹی وی اچ کلائمیٹ چینج ڈیسک دا قیام ایں ضمن اچ پہلا قدم اے، آندے انتخابات …
ماحولیاتی تبدیلی کرہ ارض کیتے وݙا خطرہ اے ، معاشرے دے سارے طبقیں کوں ماحولیاتی تبدیلی دے اثرات متعلق آگاہی ݙیوݨی ہوسی، نگراں وفاقی وزیر اطلاعات مرتضیٰ سولنگی دا پی ٹی وی اچ موسمیاتی تبدیلی ڈیسک دی افتتاحی تقریب توں خطاب
مزید خبراں
اسلام آباد۔3نومبر (اے پی پی):نگراں وفاقی وزیر اطلاعات و نشریات مرتضیٰ سولنگی ماحولیاتی تبدیلیاں دے منفی اثرات بارے آگاہی ݙیوݨ دی لوڑھ تے زور ݙیندے ہوئیں آکھیے جو ماحولیاتی تبدیلیاں کرہ ارض کیتے وݙا خطرہ ہن ، اساکوں معاشرے دے سارے طبقیں کوں ماحولیاتی تبدیلیاں دے اثرات بارے آگاہی ݙیوݨی ہوسی ، پی ٹی وی اچ کلائمیٹ چینج ڈیسک دا قیام ایں ضمن اچ پہلا قدم اے، آندے انتخابات فروری 2024 اچ تھیسن ، پاکستان دے آئین اچ لکھیے جو اے ملک ایندے منتخب نمائندے چلیسن ، اساں ساریاں رجسٹرڈ سیاسی جماعتاں کوں ھکو سواݨ موقع ݙیسوں ۔ اے ڳالھ انہاں پاکستان ٹیلی ویژن اچ کلائمیٹ چینج ڈیسک دی افتتاحی تقریب توں خطاب کریندے ہوئیں آکھی اے ۔ ایں موقع تے وفاقی سیکریٹری اطلاعات ظہور احمد، وفاقی سیکریٹری موسمیاتی تبدیلی سید آصف حیدر، پی ٹی وی دے ڈائریکٹر کرنٹ افیئرز عون ساہی تے ٻئے موجود ہن ۔ نگراں وفاقی وزیر اطلاعات آکھیے جو موسمیاتی تبدیلی توں آگاہی ݙیوݨ کیتے اڄ پہلا قدم چاتے جیں تے پی ٹی وی انتظامیہ مبارخ دی مستحق اے۔ انہاں آکھیے پی ٹی وی انتظامیہ تھوڑے ویلھے اچ کلائمیٹ چینج ڈیسک بݨا تے اینکوں علاقائی سٹیشناں نال جوڑیے تے ایں ڈیسک تے قابل رپورٹرز کوں تعینات کیتے جیڑھا جو عوام کوں موسمیاتی تبدیلیاں دے خطرے اتے چیلنج متعلق آگاہی ݙیوݨ دے پاسے ھک اہم قدم اے ۔ ایندے توں پہلے نگراں وفاقی وزیر اطلاعات مرتضیٰ سولنگی پی ٹی وی اچ کلائمیٹ چینج ڈیسک دا افتتاح کیتا۔ کلائمیٹ چینج ڈیسک موسمیاتی تبدیلی دے حوالے نال عوام کوں آگاہی ݙیسی۔
