پنجاب اچ کݨک دی امدادی قیمت 4 ہزار روپے مݨ مقرر

لاہور۔8نومبر(اے پی پی)حکومت پنجاب کݨک دی امدادی قیمت 4 ہزار روپے مݨ مقرر کر ݙتی اے۔ نگران صوبائی وزیر اطلاعات عامر میر آکھیے جو نگران وزیراعلیٰ دی اڳواݨی اچ لاہور اچ ہک اہم اجلاس تھئے جیندے اچ کݨک دی ڳھٹ توں ڳھٹ امدادی قیمت 4 ہزار روپے فی مݨ رکھی ڳئی اے۔ اجلاس کݨک دی ریلیز پالیسی دی وی منظوری ݙتی۔ ریلیز قیمت 4700 روپے فی مݨ ہوسی۔ انہاں آکھیے جو گنے دی امدادی قیمت چار سو روپے فی مݨ مقرر کیتی گئی اے، کرشنگ سیزن 20 نومبر توں شروع تھیسی۔