اسلام آباد۔9نومبر(اے پی پی) چیئرمین سینیٹ محمد صادق سنجرانی آکھیے علامہ اقبالؒ اپݨی قائدانہ صلاحیتاں نال برصغیر دے مسلماناں کوں آزادی گھنݨ کیتے عملی جدوجہد تے منایا ، اقبال ؒ دے شاہین دے تصوراتے خودی دے فلسفے تے عمل کرݨ نال ہی اساں پاکستان کوں اقوام عالم اچ ایندی اصل مقام ݙیوا سڳدوں۔ مفکر اسلام و شاعر مشرق ڈاکٹر علامہ محمد اقبالؒ دے146 ویں ڄمݨ ݙینھ تے خراج عقیدت …
علامہ اقبالؒ برصغیر دے مسلماناں کوں آزادی سانڳے عملی جدوجہد تے منایا ، چیئرمین سینیٹ دا سنھیا
مزید خبراں
اسلام آباد۔9نومبر(اے پی پی) چیئرمین سینیٹ محمد صادق سنجرانی آکھیے علامہ اقبالؒ اپݨی قائدانہ صلاحیتاں نال برصغیر دے مسلماناں کوں آزادی گھنݨ کیتے عملی جدوجہد تے منایا ، اقبال ؒ دے شاہین دے تصوراتے خودی دے فلسفے تے عمل کرݨ نال ہی اساں پاکستان کوں اقوام عالم اچ ایندی اصل مقام ݙیوا سڳدوں۔ مفکر اسلام و شاعر مشرق ڈاکٹر علامہ محمد اقبالؒ دے146 ویں ڄمݨ ݙینھ تے خراج عقیدت پیش کریندے ہوئیں آپݨے سنھیے اچ چیئرمین سینیٹ محمد صادق سنجرانی آکھیے جو ڈاکٹر علامہ محمد اقبال ؒ عظیم مدبر تے رہنما ہن ، ڈاکٹر علامہ محمداقبال ھک ایجھے ویلھے اساکوں صحیح رستہ ݙکھایا ،جݙاں برصغیر پاک وہند دے مسلمان غلامی دے اندھاریں اچ منزل دا سراغ ونڄا چکیے ہن ۔ چیئرمین سینٹ آکھیے انہاں آپݨی شاعری دے ذریعے او قوتِ عمل پیدا کیتی جیں دے سہارے برصغیر دے مسلماناں مایوسی کوں شکست ݙتی تے آپݨی منزل چݨی ، علامہ محمد اقبال ؒ خطبہ الٰہ آباد اچ تصورِ پاکستان پیش کرتے برصغیر دے مسلماناں اچ آزادی گھنݨ دی نویں روح پھوکی جئیں نال انہاں دی مشترکہ منزل دی نشاندہی تھئی ،علامہ اقبالؒ اپݨی قائدانہ صلاحیتاں دی بدولت برصغیر دے مسلماناں کوں آزادی گھنݨ سانڳے عملی جدوجہد تے منایا تے ایں جدوجہد دا صلہ اے جو اڄ اساں ھک آزاد، خود مختار اتے جمہوری وطن اچ مکمل مذہبی آزادی نال آپݨی زندگی گزریندے پیوں ۔
