اسلام آباد۔13نومبر(اے پی پی) ازبکستان دے نائب وزیر اعظم ڈاکٹر جمشید خدجایف اڄ ݙو ݙینھ دے دورے تے پاکستان پڄ ڳئن ۔ وزارت تجارت دی طرفوں جاری پریس ریلیز موجب نگران وفاقی وزیر تجارت ڈاکٹر گوہر اعجاز سودھے اعلیٰ حکام نائب وزیر اعظم ڈاکٹر جمشید خدجایف دا نور خان ائیر بیس تے استقبال کیتا ۔ اپݨے دورے اچ ڈاکٹر جمشید خدجایف نگران وفاقی وزیر ڈاکٹر گوہر اعجازنال ملاقات کیتی …
ازبکستان دے نائب وزیر اعظم ڈاکٹر جمشید خدجایف ݙو ݙینھ دے دورے تے پاکستان پڄ ڳئن
مزید خبراں
اسلام آباد۔13نومبر(اے پی پی) ازبکستان دے نائب وزیر اعظم ڈاکٹر جمشید خدجایف اڄ ݙو ݙینھ دے دورے تے پاکستان پڄ ڳئن ۔ وزارت تجارت دی طرفوں جاری پریس ریلیز موجب نگران وفاقی وزیر تجارت ڈاکٹر گوہر اعجاز سودھے اعلیٰ حکام نائب وزیر اعظم ڈاکٹر جمشید خدجایف دا نور خان ائیر بیس تے استقبال کیتا ۔ اپݨے دورے اچ ڈاکٹر جمشید خدجایف نگران وفاقی وزیر ڈاکٹر گوہر اعجازنال ملاقات کیتی ۔ ایں موقع تے ازبکستان دے نائب وزیر اعظم آکھیے انہاں دے اجوکے دورے دا مقصد ݙوہیں ملکاں وچال ݙوطرفہ تجارت اتے سرمایہ کاری سودھے مختلف شعبیں اچ تعاون ودھاوݨا اے ۔ ڈاکٹر گوہر اعجاز ملاقات اچ آکھیے پاکستان تے ازبکستان وچال کئی سالاں توں نیڑے اقتصادی تعلقات ہن تے ݙوہیں ملکاں وچال ݙو پاسے تجارت گزریل ترائے سال اچ 27 ملین امریکی ڈالر توں ودھ تے 126 ملین امریکی ڈالر تئیں پڄ ڳئی اے ۔ جیڑھی جو ہݨ وی آپݨی حقیقی قدرتوں ٻہوں گھٹ اے تے اینکوں ودھاوݨ دیاں کوششاں کیتیاں ویندیاں پئن ۔ انہاں آکھیے ڈاکٹر خدجایف دے دورے نال پاکستان اتے ازبکستان وچال ݙو پاسے تجارتی تے سرمایہ کاری دے تعلقات ٻئے تکڑے تھیسن۔
