نگران وفاقی وزیر اطلاعات، نشریات و پارلیمانی امور مرتضیٰ سولنگی اتے نگران وزیر اعلیٰ خیبر پختونخوا جسٹس (ر) سید ارشد حسین شاہ وچال ٹیلیفونک رابطہ ، آندے انتخابات، میڈیا دے شعبے اچ تعاون اتے صحافیاں دے مسئلے سودھے اہم امور تے ڳالھ مہاڑ

اسلام آباد۔13نومبر(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی اتے نگران وزیر اعلیٰ خیبر پختونخوا جسٹس (ر) سید ارشد حسین شاہ وچال ٹیلیفونک رابطہ تھئے جیں اچ آندے انتخابات، میڈیا دے شعبے اچ تعاون اتے  صحافیاں دے مسئلیں سودھے ٻئے اہم امور تے ڳالھ مہاڑ تھئی ۔ نگران وفاقی وزیر اطلاعات جسٹس (ر) سید ارشد حسین شاہ کوں نگران وزیراعلی دا منصب سنبھالݨ تے مبارخ ݙیندے ہوئیں انتخابی عمل کوں صاف، شفاف اتےغیر جانبدار بݨاوݨ کیتے الیکشن کمیشن کوں ہر ممکن تعاون تے سہولت ݙیوݨ دا عزم کیتے ۔ انتخابات دے دوران میڈیا کوں ہر ممکن سہولتاں ݙیوݨ تے اتفاق تھئے ۔ وفاقی وزیراطلاعات مرتضی سولنگی آکھیے نگران حکومت آزادی اظہار تے پورا یقین رکھیندی اے ، اساں آئین دے تحت اپݨی ذمہ واریاں پوریاں کریندے پیوں ساریاں سیاسی جماعتاں کوں ھکو سویں موقع ݙتے ویندے پئن ،خیبرپختونخوا دے صحافیاں دے مسئلے ترجیحی بنیاداں تے حل کریسوں۔