پاک فضائیہ دے سپر مشاق اتے جے ایف-17 تھنڈر بلاک 3 طیاریں دی دبئی ایئر شو اچ شرکت

اسلام آباد۔13نومبر(اے پی پی) پاک فضائیہ دا دستہ دبئی ایئر شو 2023 اچ بھرپور شرکت کریندا پئے جیں اچ ایندے جدید جےایف-17 تھنڈر بلاک 3 لڑاکا طیارے اتے اعلیٰ خصوصیات دے حامل سپر مشاق طیارے حصہ گھندے پئن ۔ اے میگا ایونٹ 13 توں 17 نومبر 2023 تئیں جاری رہسی ۔ ترجمان پاک فضائیہ موجب ایں ایونٹ  اچ پاک فضائیہ دا جے ایف-17 تھنڈر بلاک 3 طیارہ پہلی واری بین الاقوامی ایئر شو اچ نمائش کیتے پیش کیتا ویسی جیڑھا جو پاک فضائیہ دی طرفوں جدت دے حصول اتے ہوابازی دی صنعت اچ بہترین کارکردگی دے عزم دا عکاس اے۔ اے تاریخی لمحہ پاک فضائیہ دی طرفوں ایوی ایشن دے میدان اچ ھک اہم سنگ میل اتے ہوابازی دے حوالے نال عالمی سطح تے ایندی جدید ترین صلاحیتاں دا مظہر اے۔جے ایف-17 تھنڈر بلاک 3 لڑاکا طیارہ جدید فضائی جنگی ٹیکنالوجی اتے جدت دی اعلیٰ مثال اے۔ جدید ترین ایویانکس، اعلیٰ ترین ہتھیاراں اتے بہترین الیکٹرونک جنگی نظام نال لیس جے ایف-17 بلاک 3 طیارہ فضائی منفرد خصوصیات، وسیع رینج اتے بھرپور جنگی صلاحیتاں دا حامل اے۔