اسلام آباد۔14نومبر(اے پی پی) صدر مملکت ڈاکٹر عارف علوی آکھیے جو پاکستان تجارت، سرمایہ کاری ، ثقافت اتے سیاحت دے شعبے اچ دوست ملکاں نال تعاون ودھاوݨ چاہندے ۔ ایوانِ صدر دے پریس ونگ توں جاری بیان موجب صدر مملکت اے ڳالھ انہاں تیونس، روس، ترکیہ، بلغاریہ ، بوسنیا، تاجکستان ، جاپان ، چیک ریپبلک ، جنوبی کوریا اتے برازیل دے اعزازی کونسل جنرلز نال ملاقات اچ آکھی اے …
صدر مملکت ڈاکٹر عارف علوی نال پشاور اچ رہݨ آلے مختلف ملکاں دے اعزازی کونسل جنرلز دی ایوانِ صدر اچ ملاقات
مزید خبراں
اسلام آباد۔14نومبر(اے پی پی) صدر مملکت ڈاکٹر عارف علوی آکھیے جو پاکستان تجارت، سرمایہ کاری ، ثقافت اتے سیاحت دے شعبے اچ دوست ملکاں نال تعاون ودھاوݨ چاہندے ۔ ایوانِ صدر دے پریس ونگ توں جاری بیان موجب صدر مملکت اے ڳالھ انہاں تیونس، روس، ترکیہ، بلغاریہ ، بوسنیا، تاجکستان ، جاپان ، چیک ریپبلک ، جنوبی کوریا اتے برازیل دے اعزازی کونسل جنرلز نال ملاقات اچ آکھی اے جنہاں منڳل کوں اتھاں ایوان صدر اچ انہاں دے نال ملاقات کیتی ۔ وفد صدر مملکت کوں بین الاقوامی تعلقات اتے تجارت دے ودھارے اچ اعزازی کونسل جنرلز دے کردار بارے بریفنگ ݙتی۔ ایں موقع تے ڳالھ مہاڑ کریندے ہوئیں صدر مملکت دوست ملکاں نال تجارت اتے سرمایہ کاری ودھاوݨ دے عزم دا اعادہ کریندے ہوئیں آکھیے پاکستان تجارت، سرمایہ کاری ، ثقافت اتے سیاحت دے شعبے اچ دوست ملکاں نال تعاون ودھاوݨ چاہندے ۔ انہاں آکھیے اعزازی کونسل جنرلز پاکستان دے ایوانانِ صنعت و تجارت نال رابطے ودھاون ، پاکستان اچ سرمایہ کاری دے ٻہوں موقع موجود ہن ۔ صدر مملکت آکھیے اعزازی کونسل جنرلز پاکستان اچ سرمایہ کاری راغب کرݨ اچ آپݨا کردار نبھاون ۔ ملاقات اچ صدر مملکت غزہ دی موجودہ صورتحال تے تشویش کریندے ہوئیں سیز فائر دی لوڑھ تے زور ݙتے۔
