پرائمری ہیلتھ کیئر سسٹم کوں تکڑا کرݨ کیتے جامع حکمت عملی بݨا ݙتی اے ،نگران وفاقی وزیر صحت

اسلام آباد۔15نومبر(اے پی پی) نگران وفاقی وزیر صحت ڈاکٹر ندیم جان آکھیے  پرائمری ہیلتھ کیئر سسٹم کوں تکڑا کرݨ سانڳے جامع حکمت عملی بݨا ݙتی اے تاں جو وݙے ہسپتالاں تے مریضاں دا ٻوجھ گھٹ کیتا ونڄ سڳے ، پرائمری ہیلتھ کیئر سنٹر دیاں سہولتاں یقینی بݨاوݨ سانڳے سارے ضروری اقدامات کیتے ویندے پئن تے ذاتی طور تے ایندی نگرانی کریندا پیاں ۔اے ڳالھ انہاں کمیونٹی ہیلتھ سنٹر شاہ اللہ ݙتہ  دا دورہ کریندے ہوئیں آکھی اے ۔ انہاں کمیونٹی ہیلتھ سنٹر اچ موجود مریضاں توں انہاں کوں ݙتیاں ونڄݨ آلیاں سہولتاں تے علاج بارے پچھیے ۔وفاقی وزیر صحت ڈاکٹر ندیم جان‏‎‎‎‎‎‎‎‎‎‎ آکھیے جو یونیورسل ہیلتھ کوریج ساݙا ترجیحی ایجنڈا اے، 500 بنیادی مرکز صحت دی اپ گریڈیشن ھک انقلابی تاریخی منصوبہ اے جیں تے تکھے کم جاری اے ، انہاں آکھیے جو شہریاں کوں ساریاں طبی سہولتاں ݙیوݨ ساݙی اولین ترجیح اے ۔