بھارت اتے آسٹریلیا وچال ورلڈ کپ 2023 دا فائنل آݙت وار کوں احمد آباد اچ کھیݙیا ویسی

احمد آباد۔17نومبر  (اے پی پی) انٹرنیشنل کرکٹ کونسل ولوں  آئی سی سی مینز ورلڈ کپ ٹورنامنٹ 2023 دے 13ویں ایدیشن دا  فائنل میچ میزبان بھارت ا اتے آسٹریلیا وچال ورلڈ کپ 2023 دا فائنل آݙت وار کوں احمد آباد اچ کھیݙیا ویسی۔ ݙوہیں ٹیماں وچال فائنل میچ ݙینھ ہک وڄ تے 30 منٹ تے شروع تھیسی ۔ آئی سی سی مینز ورلڈ کپ ٹورنامنٹ  بھارت اچ جاری اے جیڑھا جو آپݨے چھیکڑی مرحلے اچ آڳئے۔ 15 نومبر کوں ممبئی اچ کھیݙیے ڳئے پہلے سیمی فائنل میچ اچ میزبان بھارتی ٹیم نیوزی لینڈ کوں 70 رنز توں ہرا تے فائنل کیتے کوالیفائی کیتا ہئی۔ ݙوجھے سیمی فائنل اچ آسٹریلیا دی ٹیم 16 نومبر کوں کولکتہ اچ کھیݙیے ڳئے میچ اچ جنوبی افریقہ کوں ترائے وکٹاں توں ہرا تے فائنل کیتے کوالیفائی کیتا ہئی۔