اسلام آباد۔17نومبر (اے پی پی) نگران وزیراعظم انوار الحق کاکڑ آکھیا جو گوادر بندرگاہ مستقبل قریب اچ سمندری رستے توں تجارت دا ہک وݙا مرکز ہوسی، حکومت گوادر بندرگاہ اچ صنعتاں ٻݨاوݨ اتے صنعتی علاقیاں توں مواصلاتی رابطے دی بہتری کیتے کم کریندی پئی اے۔ گوادر دے مقامی لوکاں کوں روزگار اتے بین الاقوامی معیار دی سہولتاں ݙیوݨ اچ گوادر دی ترقی اہمیت رکھیندی اے۔ جمعے کوں وزیراعظم آفس دے …
گوادر بندرگاہ مستقبل قریب اچ سمندری رستے توں تجارت دا ہک وݙا مرکز ہوسی، نگران وزیراعظم انوار الحق کاکڑ دی گوادر شپنگ کلیئرنگ ایجنٹس ایسوسی ایشن دے وفد نال ملاقات اچ ڳالھ مہاڑ
مزید خبراں
اسلام آباد۔17نومبر (اے پی پی) نگران وزیراعظم انوار الحق کاکڑ آکھیا جو گوادر بندرگاہ مستقبل قریب اچ سمندری رستے توں تجارت دا ہک وݙا مرکز ہوسی، حکومت گوادر بندرگاہ اچ صنعتاں ٻݨاوݨ اتے صنعتی علاقیاں توں مواصلاتی رابطے دی بہتری کیتے کم کریندی پئی اے۔ گوادر دے مقامی لوکاں کوں روزگار اتے بین الاقوامی معیار دی سہولتاں ݙیوݨ اچ گوادر دی ترقی اہمیت رکھیندی اے۔ جمعے کوں وزیراعظم آفس دے میڈیا ونگ توں جاری بیان موجب نگران وزیرِ اعظم انوار الحق کاکڑ نال گوادر شپنگ کلیئرنگ ایجنٹس ایسوسی ایشن دے وفد ملاقات کیتی۔ وفد اچ گوادر شپنگ کلیئرنگ ایجنٹس ایسوسی ایشن دے صدر عبد الرحیم ظفر، سیکٹری جنرل حمید بلوچ اتے فیصل دشتی شامل ہن۔ ملاقات اچ وفد وزیراعظم کوں درخواست کیتی جو گوادربندرگاہ کوں پورا فعال ٻݨاوݨ کیتے ابتدائی طور سرکاری کارگو دا کجھ حصہ گوادربندہ گاہ توں پاکستان درآمد کیتا ونڄے۔
