راولپنڈی ۔17نومبر(اے پی پی)پاک فوج دے سربراہ جنرل سید عاصم مینر آکھیے جو کہیں مذہبی، صوبائی، قبائلی، لسانی، نسلی، فرقہ وارانہ یا کہیں ٻئے وانڄھ دے بغیر پاکستان سارے پاکستانیاں دا اے،ریاست دے علاوہ کہیں وی ادارے یا گروہ ولوں طاقت دا استعمال اتے مسلح کارروائی ناقابل قبول اے ۔ اے ڳالھ انہاں علمائے کرام و مشائخ نال جی ایچ کیو راولپنڈی اچ ملݨ ویلھے آکھی۔ علمائے کرام و مشائخ …
پاکستانیاں ساریاں دا سانڄھا اے، ریاست دے علاوہ کہیں ٻئے دا طاقت دا استعمال اتے مسلح کارروائی قابل قبول نئیں، آرمی چیف سید عاصم منیر
مزید خبراں
راولپنڈی ۔17نومبر(اے پی پی)پاک فوج دے سربراہ جنرل سید عاصم مینر آکھیے جو کہیں مذہبی، صوبائی، قبائلی، لسانی، نسلی، فرقہ وارانہ یا کہیں ٻئے وانڄھ دے بغیر پاکستان سارے پاکستانیاں دا اے،ریاست دے علاوہ کہیں وی ادارے یا گروہ ولوں طاقت دا استعمال اتے مسلح کارروائی ناقابل قبول اے ۔ اے ڳالھ انہاں علمائے کرام و مشائخ نال جی ایچ کیو راولپنڈی اچ ملݨ ویلھے آکھی۔ علمائے کرام و مشائخ انتہا پسندی، دہشت گردی و فرقہ واریت دی مذمت کریندے ملک اچ رواداری، امن و استحکام کیتے ریاستی اتے سیکیورٹی فورسز دیاں کوششاں دی تعریف کیتی۔ آرمی چیف فکری و تکنیکی علوم دے نال نال قرآن و سنت دی تفہیم و کردار سازی کیتے نینگراں کوں متوجہ کرݨ سانڳے علمائے کرام دے کردار دی وی تعریف کیتی اتے انتہا پسنداں اتے دہشت گرداں دے ذریعے کھنݙائے ونڄݨ آلے گمراہ کن پروپیگنڈے کوں مکاوݨ سانڳے علماء کرام دے فتویٰ ”پیغام پاکستان“ کوں وی سراہیا۔ ملاقات اچ متفقہ طور تے حکومت ولوں غیر قانونی رہݨ آلے غیر ملکیاں دی وطن واپسی، ہک دستاویزی نظام (پاسپورٹ)دے نفاذ، انسداد اسمگلنگ و ذخیرہ اندوزی اتے بجلی چوری دے خلاف اقدامات دی حمایت کریندے افغان سرزمین توں تھیوݨ آلی دہشت گردی تے پاکستان دے موقف کوں اڳونہا کیتا۔ انہاں غزہ اچ جاری جنگ بندی، معصوم فلسطینیاں تے تھیوݨ آلے مظالم تے چنتا کریندے ایکوں انسانیت دے خلاف جرائم قرار ݙتے۔
