اسلام آباد۔21نومبر(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی متحرک، متنوع اتے ذمہ وار میڈیا منظر نامہ کوں ودھارا ݙیوݨ دے حکومتی عزم دا اظہار کریندے ہوئیں آکھیے جو اڄ اساکوں میڈیا دے شعبے اچ ٻہوں سارے چیلنج ہن ، ٹیکنالوجی دی تکھی رفتار ترقی میڈیا اچ استعمال تھیوݨ آلے طریقے کوں بدال ݙتے ، ایں چیلنج آلے ماحول اچ ساݙی توجہ پاکستانی میڈیا انڈسٹری …
حکومت متحرک، متنوع تے ذمہ وار میڈیا منظر نامہ کوں ودھارا ݙیوݨ سانڳے پرعزم اے، نگران وفاقی وزیر اطلاعات مرتضیٰ سولنگی دی سیکرٹری اطلاعات شاہیرہ شاہد اتے سابق سیکرٹری ظہور احمد نال ملاقات اچ ڳالھ مہاڑ
مزید خبراں
اسلام آباد۔21نومبر(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی متحرک، متنوع اتے ذمہ وار میڈیا منظر نامہ کوں ودھارا ݙیوݨ دے حکومتی عزم دا اظہار کریندے ہوئیں آکھیے جو اڄ اساکوں میڈیا دے شعبے اچ ٻہوں سارے چیلنج ہن ، ٹیکنالوجی دی تکھی رفتار ترقی میڈیا اچ استعمال تھیوݨ آلے طریقے کوں بدال ݙتے ، ایں چیلنج آلے ماحول اچ ساݙی توجہ پاکستانی میڈیا انڈسٹری کوں تکڑا بݨاوݨ تے ہووݨی چاہیدی اے ۔ اے ڳالھ انہاں وفاقی سیکرٹری اطلاعات شاہیرہ شاہد اتے سابق سیکرٹری ظہور احمد نال ملاقات اچ آکھی اے ۔ ایں موقع تے نگران وفاقی وزیر اطلاعات شاہیرہ شاہد کوں سیکرٹری اطلاعات دا عہدہ سنبھالݨ تے مبارخ ݙتی تے سیکرٹریٹ گروپ دے سینئر افسر سابق سیکرٹری ظہور احمد دی وزارت اطلاعات سانڳے خدمات کوں خراج تحسین پیش کیتے۔ ملاقات اچ وزارت اطلاعات دی کارکردگی، میڈیا انڈسٹری کوں پیش چیلنجز تے موقع، ٻاہرلے ملک پاکستان دا مثبت امیج ودھاوݨ اچ وزارت دے کردار سودھے اہم امور تے ڳالھ مہاڑ تھئی ۔ مرتضیٰ سولنگی آکھیے جو وفاقی سیکرٹری اطلاعات شاہیرہ شاہد تے سابق سیکرٹری ظہور احمد قابل افسران ہن ، انہاں دے نال کم کرݨ میں سانڳے فخر دی ڳالھ اے ۔ انہاں آکھیے جو میڈیا دی آزادی اتے صحافیاں دے حقوق دا تحفظ ساݙا پکا عزم اے ۔ انہاں آکھیے جو اطلاعات و نشریات دا شعبہ پاکستان دے مستقبل دی تشکیل اچ کلیدی کردار نبھیندے۔
