ایم ایز کیتے خصوصی کریڈٹ گارنٹی کمپنی ٻݨاوݨ نال سرمایہ کاری دے موقع ودھاوݨ اچ مدد ملسی، وزیر خزانہ داتقریب توں خطاب

اسلام آباد۔12جنوری  (اے پی پی) وفاقی وزیر خزانہ تے محصولات  ڈاکٹر شمشاد اختر  آکھیا جو چھوٹے اتے درمیانے درجے دے کاروبار دا فروغ حکومت دی پہلی ترجیح اے۔ ایس ایم ایوز کیتے پاکستان دی پہلی خصوصی کریڈٹ گارنٹی کمپنی ٻݨاوݨ نال سرمایہ کاری دے موقع ودھاوݨ اچ مدد ملسی۔ اے ڳالھ انہاں جمعے کوں وزارت خزانہ اتے کارانداز پاکستان وچال  نیشنل کریڈٹ گارنٹی کمپنی لمیٹڈ ٻݨاوݨ بارے سانجھے داری تقریب توں خطاب کریندیں ہوئیں آکھی۔ ایں موقع تے پاکستان اچ برطانوی ہائی کمشنر،  چیئرمین ایس ای پی، سٹیٹ بینک دے عہدیدار اتے ٻئے اعلیٰ عہدیدار موجود ہن۔ این سی  جی سی ایل ٻݨݨ نال پاکستان اچ چھوٹے اتے درمیانے درجے دے کاروبار کوں مالی تعاون ݙیوݨ اچ مدد ملسی۔ سانجھے داری دے تحت کمپنی فنانس تئیں رسائی ودھاوݨ کیتے خصوصی کریڈٹ گارنٹی دی سہولت ݙیسی۔ وزیرخزانہ آکھیا جو پاکستان چھوٹے اتے درمیانے درجے دے کاروبار دا نجی کریڈت اچ 5.2 فیصد حصہ اے۔ انہاں آکھیا جو کمپنی  پاکستان دے 15 لکھ توں ودھ ایس ایم ایز  اتے 3.7 ٹریلین روپے  توں ودھ مارکیٹ حجم کیتے مصنوعات ٻݨیسی۔