لاہور۔8فروری (اے پی پی) وزیراعلیٰ پنجاب محسن نقوی سول سیکرٹریٹ اچ عام انتخابات دے انتظامات دی مانیٹرنگ کیتے ٻݨیے محکمہ داخلہ دے مرکزی کنٹرول روم دا دورہ کیتا اتے صوبے اچ عام انتخابات کیتے ڳئے انتظامات دا جائزہ ڳھدا۔ وزیراعلیٰ مرکزی کنٹرول روم اچ کیتے ڳئے مانیٹرنگ انتظامات دا تفصیلی مشاہدہ کیتا۔ ایں موقع تے محسن نقوی کوں سیکرٹری داخلہ عام انتخابات پر امن کراوݨ بارے کیتے ڳئے انتظامات بارے بریفنگ ݙتی۔ وزیراعلیٰ آکھیا جو اللہ تعالیٰ دے فضل نال پنجاب حکومت دی محنت پاروں عام انتخابات دا مرحلہ پر امن نال پورا تھیے۔ انسپکٹر جنرل پولیس ڈاکٹر عثمان انور، سی سی پی او لاہور اتے متعلقہ حکام وی ایں موقع تے موجود ہن۔
