قومی اسمبلی دے 12، پنجاب اسمبلی 10، سندھ اسمبلی دے 19 اتے خیبرپختونخوا اسمبلی دے 36 حلقیں دے نتیجے جاری

اسلام آباد۔9فروری(اے پی پی) قومی اسمبلی دے 12، پنجاب اسمبلی 10، سندھ اسمبلی دے 19 اتے خیبرپختونخوا اسمبلی دے 36 حلقیں دے نتیجے جاری کرݙتے ڳئن ۔ مجموعی طور تے آزاد امیدوار اڳوں ہن۔ الیکشن کمیشن دی طرفوں جاری غیرحتمی غیرسرکاری نتیجے موجب قومی اسمبلی دی 12 نشستاں دا اعلان کیتا ڳئے جنھاں اچ 5 آزاد امیدوار، مسلم لیگ (ن) دے 4 اتے پاکستان پیپلز پارٹی دے 3 امیدوار کامیاب قرار پاتن۔ سابق وزیراعظم محمد شہباز شریف لاہور توں قومی اتے صوبائی اسمبلی دی نشست تے کامیاب تھی ڳئن۔ پنجاب اسمبلی اچ مسلم لیگ (ن) دے 5، آزاد امیدوار3 جݙاں جو پاکستان مسلم لیگ ق دے 2 امیدوار کامیاب قرار پاتن ۔ مسلم لیگ (ن) دی چیف آرگنائزر مریم نواز اتے چوہدری سالک حسین اپݨیاں سیٹاں جت ڳئن ۔ سندھ اسمبلی دی 19 نشستاں دا اعلان کیتا ڳئے جیڑھا جو ساریاں پاکستان پیپلز پارٹی پارلیمنٹیرینز جتن۔ خیبرپختونخوا اچ 36 نشستاں دے نتجے دا اعلان کیتاڳئےجنھاں اچ 34 نشستاں تے آزاد امیدوار جݙاں جو مسلم لیگ (ن) اتے جمعیت علمائے اسلام پاکستان ھک ھک سیٹ جتی اے ۔