اسلام آباد۔20مارچ (اے پی پی) وزیراعظم محمد شہباز شریف وزیراعظم دی کمیٹی کوں عدالتی اصلاحات کیتے آئینی اتے قانونی ترامیم دا پیکج تیار کرݨ دی ہدایت کریندیں ہوئیں آکھیا جو عام بندے دی سہولت کیتے سول اتے فوجداری قوانین اچ سوکھ کرݨ کیتے لائحہ عمل ٻݨایا ونڄے۔ پاکستان اچ 2400 ارب روپے توں ودھ دی ٹیکس وصولیاں دا عدالتاں اتے ٹریبونلز دے احکام امتناعی پاروں زیرالتوا تھیوݨ تشویشناک اے۔ بدھ …
وزیراعظم شہباز شریف دی عدالتی اصلاحات کیتے آئینی اتے قانونی ترامیم دا پیکج تیار کرݨ دی ہدایت
اسلام آباد۔20مارچ (اے پی پی) وزیراعظم محمد شہباز شریف وزیراعظم دی کمیٹی کوں عدالتی اصلاحات کیتے آئینی اتے قانونی ترامیم دا پیکج تیار کرݨ دی ہدایت کریندیں ہوئیں آکھیا جو عام بندے دی سہولت کیتے سول اتے فوجداری قوانین اچ سوکھ کرݨ کیتے لائحہ عمل ٻݨایا ونڄے۔ پاکستان اچ 2400 ارب روپے توں ودھ دی ٹیکس وصولیاں دا عدالتاں اتے ٹریبونلز دے احکام امتناعی پاروں زیرالتوا تھیوݨ تشویشناک اے۔ بدھ کوں وزیر اعظم آفس دے میڈیا ونگ توں جاری پریس ریلیز موجب وزیراعظم محمد شہباز شریف دی صدارت قانونی اتے عدالتی اصلاحات کیتے خصوصی کمیٹی دا پہلا اجلاس تھیا۔ کمیٹی اچ وفاقی وزیر برائے قانون تے انصاف اعظم نذیر تارڑ، سپریم کورٹ بار دے صدر شہزاد شوکت، پاکستان بار کونسل دے نمائندے احسن بھون، سابق وزیر قانون زاہد حامد، سینئر قانون دان شاہد حامد اتے اٹارنی جنرل منصور اعوان شامل ہن۔ وزیراعظم کمیٹی کوں عدالتی اصلاحات کیتے آئینی اتے قانونی ترامیم دا پیکج تیار کرݨ دی ہدایت کریندیں ہوئیں آکھیا جو عام بندے دی سہولت کیتے سول اتے فوجداری قوانین اچ سوکھ کرݨ کیتے لائحہ عمل ٻݨاوݨ دی ہدایت کیتی۔
