اسلام آباد۔21مارچ(اے پی پی):وفاقی وزیر اطلاعات و نشریات عطاءاللہ تارڑ سی پیک کوں پاکستان دی معاشی ترقی دے ودھارے سانڳے اہم سنگ میل قرار ݙیندے ہوئیں آکھیے جو پاکستان اتے چین وچال سی پیک دی صورت اچ نیڑے تے پائیدار شراکت داری خطے دے وسیع تر مفاد وچ اے ، پاکستان کوں سرمایہ کار دوست ملک بݨاوݨ وزیراعظم شہباز شریف دا وژن اے۔ اے ڳالھ انہاں خمیس کوں اتھاں …
سی پیک پاکستان دی معاشی ترقی دے ودھارے سانڳے اہم سنگ میل اے، پاکستان کوں سرمایہ کار دوست ملک بݨاوݨ وزیراعظم شہباز شریف دا وژن اے، وفاقی وزیر اطلاعات عطاءاللہ تارڑ دی چینی سفیر جیانگ ژئی ڈونگ نال ڳالھ مہاڑ
مزید خبراں
اسلام آباد۔21مارچ(اے پی پی):وفاقی وزیر اطلاعات و نشریات عطاءاللہ تارڑ سی پیک کوں پاکستان دی معاشی ترقی دے ودھارے سانڳے اہم سنگ میل قرار ݙیندے ہوئیں آکھیے جو پاکستان اتے چین وچال سی پیک دی صورت اچ نیڑے تے پائیدار شراکت داری خطے دے وسیع تر مفاد وچ اے ، پاکستان کوں سرمایہ کار دوست ملک بݨاوݨ وزیراعظم شہباز شریف دا وژن اے۔ اے ڳالھ انہاں خمیس کوں اتھاں ملاقات سانڳے آئے پاکستان اچ تعینات عوامی جمہوریہ چین دے سفیر جیانگ ژئی ڈونگ نال ڳالھ مہاڑ کریندے ہوئیں آکھی اے ۔ چینی سفیر عطاءاللہ تارڑ کوں وزارت اطلاعات دا قلمدان سنبھالݨ تے مبارخ ݙتی ۔ ملاقات اچ سی پیک، پاک چین اسٹریٹجک تعلقات، میڈیا اتے فلم دے شعبے اچ جاری تعاون اتے سی پیک بارے نقلی خبراں روکݨ سانڳے چین پاکستان انفارمیشن کوریڈور دے حوالے نال ڳالھ مہاڑ تھئی ۔ وفاقی وزیر اطلاعات سی پیک دے حوالے نال نقلی خبراں دے انسداد سانڳے حکومت توں حکومت تے میڈیا توں میڈیا دی سطح تے میکنزم وضع کرݨ دی لوڑھ تے زور ݙتا ۔ ایں موقع تے ڳالھ کریندے ہوئیں عطاءاللہ تارڑ آکھیے پاکستان چین دے نال آپݨے تعلقات کوں قدر دی نگاہ نال ݙیکھدے ݙوہیں ملک یاری دے لازوال رشتے اچ ڳنڈھیے پئن ۔ انہاں آکھیے 1998ءاچ میݙے ݙاݙا رفیق تارڑ بطور صدر چین دے وزیراعظم دے دورہ پاکستان تے انہاں دا استقبال کیتا، پاک چین دوستی اساں نسل در نسل ݙٹھی اے، اساکوں آپݨی نویں نسل کوں آپݨی تاریخی اتے گھاٹی یاری بارے ݙساوݨاں ہوسی ۔ انہاں آکھیے اساکوں آپݨی نسل کوں ݙساوݨا ہوسی جو چین تے پاکستان اوکھے ویلھے کیویں ھک ݙوجھے دا ساتھ ݙتے ۔ وفاقی وزیر اطلاعات آکھیے چین شنگھائی تعاون تنظیم اتے اقوام متحدہ سودھے ہرعالمی فورم تے پاکستان دی حمایت کیتی، ݙوہیں ملکاں وچال سی پیک دی صورت اچ نیڑے تے پائیدار شراکت داری خطے دے وسیع تر مفاد وچ اے ۔ وفاقی وزیر آکھیے پاکستان کوں سرمایہ کار دوست ملک بݨاوݨ وزیراعظم شہباز شریف دا وژن اے ۔ ملاقات اچ ݙوہیں ملکاں وچال فلم تے ثقافت دے شعبہ اچ تعاون ودھاوݨ تے اتفاق تھئے ۔
