کرنل ہیلن دی بریگیڈیئر دے عہدے تے ترقی مسیحی برادری سانڳے امید دی کرن اے، آئی ایس پی آر

راولپنڈی ۔2جون (اے پی پی):کرنل ڈاکٹر ہیلن میری دی بریگیڈیئر دے عہدے تے ترقی پاکستانی مسیحی برادری سانڳے امید دی کرن اے۔ اتوار کوں انٹر سروسز پبلک ریلیشنز (آئی ایس پی آر) دی نیوز ریلیز موجب ، کرنل ڈاکٹر ہیلن میری رابرٹ پاک فوج اچ میرٹ اتے قومی نمائندگی دی ھک بئی مثال ہن۔ بانی پاکستان، قائداعظم محمد علی جناح 11 اگست 1947 کوں پہلی دستور ساز اسمبلی توں خطاب کریندے ہوئیں آکھیا ہئی: ’’تساں آزاد او، تساں جیں مذہب، ذات یا عقیدے تعلق رکھیندے وے ایندا ریاستی معاملات نال کوئی تعلق کائنی “۔ھک ٻئے موقع تے، بانی پاکستان آکھیا ہئی جو اقلیتاں کوں بلا تفریق ذات پات، رنگ، مذہب یا عقیدہ دے پاکستان دا شہری سمجھیا ویسی تے او آپݨے سارے حقوق اتے مراعات اتے شہریت دے حقوق توں لطف اندوز تھیسن ۔ پاک فوج قائد اعظم دے ایں فرمان کوں نعرہ بݨایا اتے اڄ پاک فوج اچ مذہبی، لسانی اتےصنفی امتیاز توں بالاتر تھی تے فیصلے کیتے ویندن ۔کرنل ڈاکٹر ہیلن میری ہݨے ہی پاک فوج اچ بریگیڈیئر دے عہدے تے ترقی پاوݨ آلی پہلی مسیحی تریمت بݨ ڳئن ۔کرنل ڈاکٹر ہیلن میری رابرٹ 26 سال توں پاکستان آرمی میڈیکل کور اچ پیتھالوجسٹ دے طور تے خدمات انجام ݙیندیاں پئن کرنل ڈاکٹر ہیلن میری پاک فوج اچ رہندے ہوئیں ملک تے قوم دی خدمت کرݨ اعزاز سمجھیا۔آئی ایس پی آر آکھیے کرنل ڈاکٹر ہیلن میری پاک فوج اچ بلا امتیاز میرٹ دی زندہ مثال ہن۔