شہدائے پولیس دیاں قربانیاں ہمیشہ یاد رکھیاں ویسن ،وزیراعلی مریم نواز

لاہور۔4اگست(اے پی پی) وزیراعلی پنجاب مریم نوازشریف آکھیے شہدائے پولیس دیاں لازوال قربانیاں ہمیشہ یاد رکھیاں ویسن انہاں دی تکریم تے کوئی سمجھوتہ نہ کریسوں ۔ یوم شہدائے پولیس دے موقع تے جاری آپݨے ھک پیغام اچ انہاں آکھیے سارے شہداء دی عظیم قربانیاں کوں سلام، 4 اگست دا ݙینھ شہدا دی یاد ݙویندے جیں کوں اساں کݙاہیں بھلا نی سڳدے ، یوم شہدا بہادر سپوتاں دی عظیم قربانیاں کوں خراج عقیدت پیش کرݨ دا ݙینھ اے ۔ وزیر اعلی آکھیے شہداء ساݙے دلاں اچ ہمیشہ زندہ رہسن ۔ پولیس شہدا دی لازوال قربانیاں ساݙا اثاثہ ہن جنہاں کوں کݙاہیں بھلایا نی ونڄ سڳدا۔ مریم نواز شریف آکھیے او قوماں سرخرو تھیندن جیڑھیاں آپݨے شہدا دی عزت  کریندن ، شہدا دی حرمت تے کوئی سمجھوتہ نہ کریسوں ،  پنجاب حکومت ہرویلھے شہدا دے گھر آلیں دے رلے ہے تے رہسی ۔ انہاں آکھیے کچے سودھے ہر علاقے اچ پنجاب دی بہادر پولیس فورس قابل قدر فرائض نبھیندی پئی اے ،شہدا دے خانداناں دی ویلفیئر سانڳے سارے وسائل استعمال کیتے ویسن ۔ وزیراعلی پنجاب مزید آکھیے ہر شہید دے خاندان دی ݙیکھ بھال تے خدمت دا فرض پورا نبھیسوں اساکوں آپݨے شہدا تے ماݨ اے تے انہاں دیاں قربانیاں کوں ہمیشہ یاد رکھیا ویسی