اسلام آباد۔4اگست(اے پی پی) اسپیکر قومی اسمبلی سردار ایازصادق یوم شہداء پولیس دے موقع تے پولیس دے شہید افسراں تے نینگراں کوں خراج عقیدت پیش کریندے آکھیے ملک توں دہشتگردی مکاوݨ تے جرائم دی سرکوبی سانڳے پولیس دے نینگراں تے افسراں لازوال قربانیاں پیش کیتن۔آپݨے سنھیے اچ اسپیکر قومی اسمبلی آکھیے پوری قوم یوم شہداء تے پولیس دے شہداء کوں سلام پیش کریندی اے اتے پوری قوم کوں آپݨے پولیس دے بہادر افسراں تے نینگراں تے ماݨ اے شہداء دیاں لازوال قربانیاں ہمیشہ یاد رکھیاں ویسن دہشتگردی دے خلاف جنگ اتے ٻئے واقعات اچ شہید تھیوݨ آلے پولیس دے شہداء دے اہلخانہ نال یکجہتی دا اظہار کرینداں
