اسلام آباد۔5اگست (اے پی پی) نائب وزیر اعظم اتے وزیر خارجہ سینیٹر محمد اسحاق ڈار آکھیا جو کشمیری عوام دی خواہش دے خلاف کوئی فیصلہ قبول کائنی، پاکستان ہر فوم تے مسئلہ کشمیر کوں چاتے۔بھارت اڄ توں پںج سال پہلے آپݨے آئین اچ ترمیم کر تے خود ہک غیر آئینی کم کیتے۔ اے ڳالھیں انہاں سنوار کوں ”یوم استحصال کشمیر“ دے موقع تے ریلی توں خطاب کریندیں ہوئیں آکھی۔ ایں موقع تے وفاقی وزیر امور کشمیر تے گلگت بلتستان انجینئر امیر مقام، مختلف سیاسی جماعتاں دے نمائندے اتے کارکناں دے علاوہ کل جماعتی حریت کانفرنس دے رہنما وی موجود ہن۔ نائب وزیر اعظم سینیٹر محمد اسحاق ڈار آکھیا جو پاکستان حق خودارادیت کیتے برسر جدوجہد کشمیریاں دی سیاسی، سفارتی اتے اخلاقی حمایت جاری رکھیسی۔ انہاں آکھیا جو اگر بھارت اتنا جمہوریت دا دعوی دار اے تاں او جموں تے کشمیر اچ فوری طور رائے شماری کراوݨ دا اعلان کرے۔ انہاں آکیا جو پاکستان مسئلہ کشمیر وانڳوں غزہ دے مسلماناں، جتھ چالھی ہزار بندے شہید تھی ڳئن، کیتے وی ہر فورم تے آواز چاتی اے۔ ”یوم استحصال“ دے موقع تے سیکرٹری خارجہ دکی قیادت اچ ریلی سنوار کوں کݙھی ڳئی جئیں دی قیادت سیکرٹری خارجہ محمد سائرس سجاد قاضی کیتی۔ ریلی اچ دفتر خارجہ دے افسر اتے ملازماں دی وݙی تعداد اچ لوکاں دی شرکت کیتی۔ ریلی دے شرکا بعد اچ پارلیمنٹ دے سامھے ڈی چوک تئیں ڳئے جتھ ریلی ہک جلسے اچ بدل ڳئی۔ریلی توں نائب وزیر اعظم اتے وزیر خارجہ سینیٹر محمد اسحاق ڈار، وفاقی وزیر امور کشمیر و گلگت بلتستان انجینئر امیر مقام اتے ٻئے مقررین خطاب کیتا۔ ریلی دے شرکا پاکستان دے موقف دا اعادہ کیتا جو او اقوام متحدہ دی سلامتی کونسل دی قرارداداں دے مطابق جموں تے کشمیر دی عوام دے حق خودارادیت کیتے انہاں دے جاری منصفانہ جدوجہد دی اخلاقی، سفارتی اتے سیاسی حمایت کریندا رہسی۔
