لاہور۔5 اگست(اے پی پی)پاکستان پیپلزپارٹی دے پنجاب اسمبلی اچ پارلیمانی لیڈر علی حیدر گیلانی پبلک اکاؤنٹس کمیٹی ٹو دے چیئرمین چݨیڄ ڳن۔ رکن صوبائی اسمبلی ملک اسد علی کھوکھر، علی حیدر گیلانی داں ناں ݙتے جیندی تائید ایم پی اے شازیہ عابد کیتی۔ پبلک اکاؤنٹس کمیٹی ٹو دا اجلاس پنجاب اسمبلی کمیٹی روم ٹو اچ تھئے۔ اپݨے چݨائو تے علی حیدر گیلانی کمیٹی ممبران دا شکریہ ادا کریندے آکھیے جو کمیٹی کوں دیانتداری نال چلاوݨ دی پوری کوشش کریسآں، کہیں انتقامی کارروائی کوں نئیں منیندا اتے اپݨے عہدے نال انصاف کریساں۔
