اسلام آباد۔6اگست (اے پی پی) وفاقی وزیر برائے نیشنل فوڈ سکیورٹی اینڈ ریسرچ رانا تنویر حسین آکھیا جو زرعی شعبے اچ مسلسل جدت اتے ترقی معاشی استحکام کیتے ٻہوں ضروری اے۔ اے ڳالھیں انہاں منگل کوں پاکستان اچ فوڈ اینڈ ایگریکلچر آرگنائزیشن دی نمائندہ فلورنس رولے نال ملاقات اچ ڳالھ مہاڑ کریندیں ہوئیں آکھی۔ ملاقات اچ فوڈ سکیورٹی اتے زرعی ترقی بارے معاملیاں تے غور کیتا ڳئیا۔ وفاقی وزیر آکھیا جو زراعت دی ترقی پاکستان دے مسئلیاں دے معاشی حل اے، زراعت ملک اچ خوشحالی، غذائی تحفظ اتے سماجی تے اقتصادی ترقی کیتے اہمیت رکھیندی اے۔ ایں موقع تے ڳالھ مہاڑ کریندیں ہوئیں فوڈ اینڈ ایگریکلچرل آرگنائزیشن دی نمائندہ فلورنس رولے آکھیا جو فوڈ اینڈ ایگریکلچرل آرگنائزیشن پاکستان اچ زرعی شعبے کوں اڳوں ودھاوݨ کیتے آپݨا تعاون کریندی رہسی۔
