اسلام آباد۔6اگست (اے پی پی) قومی اسمبلی انتخابات (ݙوجھی ترمیم) بل 2024ء دی منظوری ݙے ݙتی اے جئیں دے بعد کوئی رکن ہک جماعت اچ رلݨ دے بعد کہیں ٻئی جماعت اچ شامل نی تھی سڳدا جیڑھی جماعت مخصوص نشتساں کیتے آپݨی ترجیح فہرست جمع کائنا کریسی او مخصوص نشستاں دی اہل کائنا ہوسی۔ ریٹرننگ آفیسر کنے پارٹی ٹکٹ جمع نہ کراوݨ آلا امیدوار آزاد منیا ویسی۔ منگل کوں قومی اسمبلی اچ قائمہ کمیٹی برائے پارلیمانی امور رانا ارادت شریف خان انتخابات (ݙوجھی ترمیم) بل 2024ء تے کمیٹی دی رپورٹ ایوان اچ پیش کیتی۔ ایوان توں تحریک دی منظوری دے بعد بلال اظہر کیانی تحریک پیش کیتی جو انتخابات (ݙوجھی ترمیم) بل 2024ء قائمہ کمیٹی دی رپورٹ تھئی صورت تے فوری غور کیتا ونڄے۔ بلال اظہر کیانی تحریک پیش کیتی جو انتخابات (دوسری ترمیم) بل 2024ء منظور کیتا ونڄے۔ قومی اسمبلی بل دی منظوری ݙے ݙتی۔
