اسلام آباد۔26اگست(اے پی پی) وزیراعظم محمد شہباز شریف ایران اچ سنوار کوں ھک ٻئے بس حادثے اچ پاکستانی زائرین دی اموات تے ݙکھ تے افسوس کیتے ۔ وزیر اعظم آفس دے میڈیا ونگ توں جاری بیان موجب وزیراعظم جاں بحق تھیوݨ آلے لوکاں سانڳے دعائے مغفرت اتے انھاں دے لواحقین سانڳے صبر دی دعا منڳی ۔ وزیراعظم پاکستانی سفارت خانے کوں جاں بحق تھیوݨ آلے لوکاں دے لواحقین نال مکمل …
وزیراعظم دا ایران اچ ھک ٻئے بس حادثے اچ پاکستانی زائرین دی اموات تے ݙکھ تے افسوس
اسلام آباد۔26اگست(اے پی پی) وزیراعظم محمد شہباز شریف ایران اچ سنوار کوں ھک ٻئے بس حادثے اچ پاکستانی زائرین دی اموات تے ݙکھ تے افسوس کیتے ۔ وزیر اعظم آفس دے میڈیا ونگ توں جاری بیان موجب وزیراعظم جاں بحق تھیوݨ آلے لوکاں سانڳے دعائے مغفرت اتے انھاں دے لواحقین سانڳے صبر دی دعا منڳی ۔ وزیراعظم پاکستانی سفارت خانے کوں جاں بحق تھیوݨ آلے لوکاں دے لواحقین نال مکمل تعاون دی ہدایت کیتی۔وزیراعظم پاکستانی سفارت خانے کوں جاں بحق تھیوݨ آلے لوکاں دے جسد خاکی دی وختی وطن واپسی سانڳے اقدامات دی ہدایت کیتی ۔ وزیراعظم پاکستانی سفارت خانے کوں زخمیاں دی ݙیکھ بھال اتے انھاں کوں بہترین طبی امداد ݙیوݨ دی ہدایت کیتی ۔واضح رہے سنوار کوں ایران اچ پاکستانی زائرین کوں گھن ونڄݨ آلی بس ھک ٹرک نال ٹکرا ڳئی جیں دے نتیجے اچ ترائے بندے جاں بحق تے 48 زخمی تھی ڳئن ۔ پاکستانی زائرین اربعین اچ شرکت سانڳے ایران دے رستے عراق ویندے پئے ہن انھاں دی بس ایران دے صوبہ فارس دے شہر نیریز اتے صوبہ کرمان دے علاقے سرجان وچال مرکزی سڑک تے ھک ٹرک نال ٹکرا ڳئی جیں دے نتیجے اچ ترائے بندے جاں بحق اتے 48 لوک زخمی تھئن
